ᖁᑭᐅᑎᓂᒃ ᐊᑦᑕᓀᑦᑑᑎᑦᓯᓂᕐᓂᒃ ᐃᑉᐱᒍᓱᑦᑎᓯᒋᐊᕐᓂᖅ
ᐃᑉᐱᒋᔭᐅᑦᓯᐊᓕᑦ
ᑐᑭᓯᐅᑎᑦᓭᑦ ᑖᒃᑯᓇᓃᑦᑐᑦ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᒻᒥ ᓯᖏᑦᓯᔭᖏᑦᑐᑦ ᐊᓪᓚᓯᒪᔪᕐᑕᖏᓐᓂᒃ ᐱᖁᔭᐅᑉ, ᐱᖁᔭᖅ ᐊᐅᓚᑦᓯᒍᑎᓪᓚᕆᐅᒻᒪᑦ. ᑐᑭᓯᐅᑎᑦᓴᒋᐊᓪᓓᑦ ᐱᔭᐅᒍᒪᒍᑎᒃ ᒪᓕᒐᖏᓐᓄᐊᖓᔪᑦ ᑲᕙᒪᑐᖃᒃᑯᑦ ᐊᒻᒪᓗ ᐳᔮᕓᓐᓯᐅᑉ, ᑕᑯᒐᓱᐊᕐᑕᐅᒍᓐᓇᑐᑦ RCMP-ᑯᑦ ᐊᒻᒪᓗ ᑭᓇᓕᒫᒃᑯᑦ ᐊᑦᑕᓀᑦᑐᒦᑦᑎᑕᐅᓂᖏᓐᓄᑦ ᖃᕆᐅᔭᒃᑯᑦ ᑕᑯᑦᓴᐅᑎᑦᓯᕕᖏᑦ.
ᑲᑎᕕᐅᑉ ᐳᓖᓯᖏᑦ ᐊᒻᒪᓗ ᐱᓇᓱᐊᖃᑎᖏᑦ ᑲᔪᓯᑎᑦᓯᓕᐅᒥᔮᓲᑦ ᖁᑭᐅᑏᑦ ᐊᑦᑕᓀᑦᑑᒋᐊᖃᕐᓂᖏᓐᓂᒃ ᐃᑉᐱᒍᓱᓕᕐᑎᓯᒋᐊᕐᓂᓂᒃ. ᓄᓇᓕᓯᓐᓂ ᑌᒫᒃ ᖁᑭᐅᑎᓂᒃ ᐊᑦᑕᓀᑦᑑᑎᑦᓯᐅᑎᑦᓴᓂᒃ ᐃᓕᓐᓂᐊᑎᑦᓯᓂᖅ ᑲᔪᓯᓂᐅᔭᓕᕐᒪᖔᑦ ᑐᓴᐅᒪᒐᓱᐊᑦᓯᐊᐸᒋᑦᓯ.
ᐳᐃᒍᕐᑌᓕᒋᑦ ᖁᑭᐅᑎᓐᓃᕕᑦ ᑲᒪᔪᑦᓴᑑᒐᕕᑦ. ᒪᓕᒐᕐᓂᒃ ᓲᓱᑦᓴᓯᐊᕈᕕᑦ ᐅᖑᒪᑦᓯᒍᓐᓇᓚᕿᒐᕕᑦ ᑲᑎᒪᓲᕐᓃᕕᑦ.
ᒪᙯᒌᕈᕕᑦ ᐸᓓᕐᓯᒪᔪᒨᕐᐸᓗᒋᑦ
ᑎᑭᓪᓗᑎᓗ ᖁᑭᐅᑏᑦ ᐸᓓᕐᓯᒪᔪᒧᑦ ᓴᓇᕐᕋᐸᒃᑯᕕᐅᒃ ᐃᓱᐊᕐᓂᐹᖅ ᐊᒻᒪᓗ ᐊᑦᑕᓀᑦᑑᑎᑦᓯᓂᕐᐸᐅᓱᓂ. ᓄᓇᓕᓯᓐᓂᓗ ᐆᒪᔪᕐᓯᐅᑏᑦ ᓴᐳᒻᒥᔭᐅᓂᖏᓐᓄᑦ ᑭᒡᒐᑐᕐᕖᑦ ᐊᑭᖃᖕᖏᑐᓂᒃ ᖁᑭᐅᑏᑦ ᓯᒃᑭᕈᑎᖏᑦᑕ ᐸᓓᕈᑎᖏᓐᓂᒃ ᐱᑕᖃᓲᑦ!
ᖁᑭᐅᑏᑦ ᓴᓇᕐᕙᑕᐅᓯᒪᒋᐊᖃᕐᓂᖏᑦ ᐊᑦᑕᓇᕈᓐᓀᑎᓗᒋᑦ
ᑌᒪᖕᖓᓯᐊᖅ ᐊᑐᕇᕈᕕᒃᑭᑦ ᖁᑭᐅᑏᑦ ᐃᓗᓖᔭᕐᓗᒋᑦ ᐊᒻᒪᓗ ᐸᓓᕐᓯᒪᔪᒨᕐᓗᒋᑦ! ᓴᒃᑯᐃᑦ ᐊᓯᐊᓂ ᓴᓇᕐᕙᓯᒪᒋᐊᖃᕐᒥᔪᑦ ᐅᕝᕙᓘᓐᓃᑦ ᐸᓓᕐᓯᒪᔪᒦᓪᓗᑎᒃ. ᑕᕝᕙᓂᑦᓭᓇᖅ ᖁᑭᐅᑎᐅᑉ ᐃᓂᖓᓃᒍᓐᓇᒥᔪᑦ ᐸᓓᕐᓯᒪᔪᒥ.
ᐱᖁᔦᑦ ᒪᓕᓪᓗᒋᑦ ᓇᓂᑐᐃᓐᓇᖅ ᐊᑐᕐᑕᐅᒍᓐᓇᑐᑦ
ᐃᓕᓗᒍ ᓯᒃᑭᑎᑦᓯᐅᑎᐅᑉ ᐸᓓᕈᑎᖓ, ᐆᑦᑑᑎᒋᓗᒍ ᓯᒃᑭᕇᒃᑯᑎᒃ ᐅᕝᕙᓘᓐᓃᑦ ᐱᑐᑦᓯᒪᐅᑎᑕᓕᒃ ᐸᓓᕐᓯᒪᐅᑎᒃ (ᐅᕝᕙᓘᓐᓃᑦ ᓯᒃᑭᐅᑎᖓ ᐲᕐᓗᒍ), ᖁᑭᐅᑎᒃ ᓯᒃᑭᖃᔭᓚᖓᖕᖏᒪᑦ; ᐅᕝᕙᓘᓐᓃᑦ
ᖁᑭᐅᑎᒃ ᐸᓓᕈᑎᓕᒻᒧᑦ ᑐᕐᖁᓗᒍ, ᐃᓗᓕᓕᒻᒧᑦ ᐅᕝᕙᓘᓐᓃᑦ ᐃᓪᓗᐊᕈᓯᒧᑦ ᐅᒃᑯᐊᖓ ᓯᖁᒥᑕᐅᓗᓂ ᐃᑎᕐᑕᐅᒍᓇᐅᖕᖏᑐᒧᑦ.
ᐱᖁᔭᕐᓂᒃ ᐊᑐᕐᑕᐅᓂᖏᑦ ᓯᖁᒥᑦᓯᒍᑕᐅᒍᓐᓇᑐᑦ ᐊᒻᒪᓗ ᓇᓂᑐᐃᓐᓇᖅ ᐊᑐᕐᑕᐅᓲᑦᓴᔭᐅᖕᖏᑐᑦ
ᐃᓕᓗᒍ ᐸᓓᕈᑎᓕᒻᒧᑦ ᖁᑭᐅᑏᑦ ᓯᒃᑭᑎᑕᐅᕐᖃᔭᕐᓂᐊᖏᒻᒪᑕ ᐊᒻᒪᓗ ᖁᑭᐅᑎᖃᐅᑎᒧᑦ ᐸᓓᕐᓗᒋᑦ, ᐃᓗᓕᒻᒧᑦ ᐅᕝᕙᓘᓐᓃᑦ ᐃᓪᓗᐊᕈᓯᕐᒧᑦ ᐅᒃᑯᐊᖓ ᓯᖁᒥᓪᓗᒍ ᐃᑎᕐᑕᐅᒍᓇᐅᖕᖏᑐᒧᑦ; ᐅᕝᕙᓘᓐᓃᑦ
ᖁᑭᐅᑏᑦ ᑐᕐᖁᓗᒋᑦ ᖁᑭᐅᑎᖃᐅᑎᒧᑦ, ᐸᓓᕈᑎᓕᒻᒧᑦ ᐅᕝᕙᓘᓐᓃᑦ ᐃᓪᓗᐊᕈᓯᕐᒧᑦ ᓴᓇᓯᒪᔪᒧᑦ ᐅᕝᕙᓘᓐᓃᑦ ᐋᕐᕿᒋᐊᕐᓯᒪᔪᒧᑦ ᖁᑭᐅᑎᓂᒃ ᐊᑦᑕᓇᕈᓐᓀᑎᓗᒋᑦ ᑐᕐᖁᓯᒪᔨᐊᑦᓴᓕᐊᕆᓯᒪᑦᓱᓂ.
ᐊᑕᐅᓰᑦᑕᐅᓱᑎᒃ ᓴᒃᑯᓕᕐᑕᐅᓲᑦ, ᑌᒫᑦᓭᓇᖅ ᓯᒃᑭᕈᑎᖏᑦ ᐲᕐᓗᒋᑦ ᐅᕝᕙᓘᓐᓃᑦ ᓯᒃᑯᕈᑎᑕᓕᒫᖏ ᐲᕐᓗᒋᑦ (ᐲᓲᑦᓴᔭᐅᑉᐸᑕ) ᐊᒻᒪᓗ ᐃᓪᓗᐊᕈᓯᕐᒥ ᐃᓕᒃᑰᑐᒥ ᐃᓂᖃᕐᑎᓗᒋᑦ ᐅᒃᑯᐊᖓ ᓯᖁᒥᓪᓗᒍ ᐃᑖᕐᑕᐅᒍᓇᐅᖕᖏᑐᒧᑦ.
ᖁᑭᐅᑏᑦ ᐊᑦᑕᓇᕈᓐᓀᑎᓗᒋᑦ ᐊᐅᓚᑕᐅᒍᓯᖏᑦ
ᖁᑭᐅᑏᑦ ᐊᑐᕐᑕᐅᓂᖏᑦ ᒪᓕᒐᕐᑕᖃᖕᖏᑐᑦ
ᖁᑭᐅᑏᑦ ᐊᑐᕐᑕᐅᓂᖏᑦ ᒪᓕᒐᕐᑕᖃᖕᖏᑐᑦ ᐃᓗᓖᔭᕐᑕᐅᒋᐊᓖᑦ ᐊᐅᓚᑕᐅᓚᐅᕋᑎᒃ.
ᖁᑭᐅᑏᑦ ᓇᓂ ᐊᑐᕐᑕᐅᒍᓐᓇᓂᖏᓐᓄᑦ ᒪᓕᒐᕐᑕᓖᑦ ᐊᒻᒪᓗ ᐱᖁᔭᕐᓂᒃ ᓯᖁᒥᑦᓯᒍᑕᐅᒍᓐᓇᑐᑦ
- ᐃᓗᓖᔭᕐᓗᒋᑦ ᖁᑭᐅᑏᑦ; ᐊᒻᒪᓗ
- ᐃᓕᓗᒋᑦ ᐊᑦᑕᓀᑦᑑᑎᑦᓯᐅᑏᑦ ᐸᓓᕈᑎᖏᑦ ᖁᑭᐅᑏᑦ; ᐊᒻᒪᓗ
- ᐸᓓᕐᓗᒋᑦ ᖁᑭᐅᑏᑦ ᓯᑎᔪᔭᒧᑦ, ᓄᐃᑕᔮᕐᑎᓯᖕᖏᑐᒧᑦ ᐃᓗᓕᒻᒧᑦ; ᐊᒻᒪᓗ ;
- ᐲᕐᓗᒋᑦ ᓯᒃᑭᕈᑎᖏᑦ ᐅᕝᕙᓘᓐᓃᑦ ᓯᒃᑭᕈᑎᖏᑦᑕ ᐃᓕᒪᐅᑎᖏᑦ ᓇᓪᓕᑐᐃᓐᓇᖏᓐᓂ ᖁᑭᐅᑎᓂ (ᐲᓲᑦᓴᔭᐅᑉᐸᑕ).
- ᐊᐅᓚᑦᓯᒍᓐᓇᐅᑎᒥᒃ ᖁᑭᐅᑎᓂᒃ ᑐᑦᓯᕋᕐᓗᑎᑦ (ᐅᓇ ᓯᕙᓂᕐᓗᒍ 1-800-731-4000).
ᐃᕐᖏᕋᐅᑎᒧᑦ ᐃᑉᐱᒋᔨᖃᖕᖏᑐᒧᑦ ᖁᑭᐅᑎᒥᒃ ᕿᒣᓐᓀᓂᖅ
- ᐸᓓᕐᓗᒋᑦ ᖁᑭᐅᑏᑦ ᒪᓕᒐᕐᑕᖃᖕᖏᑐᑦ ᓄᓇᒃᑰᔫᑉ ᐅᓯᕕᖓᓄᑦ ᐅᕝᕙᓘᓐᓃᑦ ᐊᑦᔨᒐᓛᖓᓄᑦ ᐸᓓᕈᓐᓇᑐᒧᑦ ᐃᓗᓕᒻᒧᑦ.
- ᐸᓓᕐᓗᒋᑦ ᐃᓗᓕᓖᑦ ᖁᑭᐅᑎᓂᒃ ᒪᓕᒐᕐᑕᖃᖕᖏᑐᓂᒃ ᐅᕝᕙᓘᓐᓃᑦ ᒪᓕᒐᕐᑕᓕᓐᓂᒃ ᓄᓇᒃᑰᔫᑉ ᐅᓯᕕᖓᓄᑦ ᐅᕝᕙᓘᓐᓃᑦ ᐸᓓᕈᓐᓇᑐᒧᑦ ᐃᓗᓕᒻᒧᑦ.
- ᐃᖏᕐᕋᐅᑎᒃ ᐅᓯᕕᖃᖕᖏᐸᑦ ᐅᕝᕙᓘᓐᓃᑦ ᐸᓓᕐᓯᒪᔪᒦᑦᑎᓯᕕᑦᓴᖃᖕᖏᐸᑦ, ᖁᑭᐅᑏᑦ ᐊᒻᒪᓗ ᖁᑭᐅᑏᑦ ᐴᖏᑦ ᑕᑯᑦᓴᐅᖏᑦᑐᒨᕐᓗᒋᑦ ᐃᖏᕐᕋᐅᑎᐅᑉ ᐃᓗᐊᓄᑦ ᐊᒻᒪᓗ ᐃᖏᕐᕋᐅᑎᒃ ᐸᓓᕐᓗᒍ.
- ᐅᖓᓯᑦᑐᒥ ᓄᓇᑐᐃᓐᓇᒦᒍᕕᑦ ᐊᒻᒪᓗ ᖁᑭᐅᑎᓐᓃᕕᑦ ᒪᓕᒐᕐᑕᖃᖕᖏᑐᓂᒃ ᐃᖏᕐᕋᐅᑎᑉᐱᑦ ᐃᓗᐊᓄᑦ ᐸᓓᕐᓯᒪᔪᒨᕐᓯᕕᑦᓴᖃᖕᖏᑯᕕᑦ, ᐃᓗᓖᔭᕐᓗᒋᑦ ᓴᓇᕐᕙᓗᒋᓪᓗ ᑕᑯᑦᓴᐅᖏᑦᑐᒧᑦ. ᐃᓕᔨᕕᒋᓗᒋᑦ ᖁᑭᐅᑏᑦ ᓯᒃᑭᕇᒃᑯᑎᓂᒃ ᑭᖕᖒᒪᓇᑦᓴᐅᑎᒋᓚᖓᖕᖏᐸᑕ ᐆᒪᔪᓄᑦ ᐃᕐᓯᓇᕐᑐᓄᑦ ᑌᒣᑕᐅᓚᕿᓗᑎᒃ.
ᐊᓇᕐᕋᓯᓐᓂ ᑕᑯᑦᓴᐅᑎᑦᓯᓂᖅ ᖁᑭᐅᑏᑦ ᐊᑦᑕᓀᑦᑐᒦᓐᓂᖏᓐᓂᒃ
ᐃᓗᓖᔭᕐᓗᒋᑦ ᐊᒻᒪᓗ ᐸᓓᕐᓗᒋᑦ ᖁᑭᐅᑎᑎᑦ!
ᓴᒃᑯᐃᑦ ᑕᑯᑦᓴᐅᑎᑕᐅᒋᐊᖃᖕᖏᑐᑦ, ᐅᕝᕙᓘᓐᓃᑦ ᓴᓂᐊᓃᒋᐊᖃᕋᑎᒃ ᑎᑭᔮᒍᓗᑎᒃ, ᖁᑭᐅᑏᑦ.
ᖁᑭᐅᑏᑦ ᒪᓕᒐᕐᑕᖃᖕᖏᑐᑦ
- ᖁᑭᐅᑏᑦ ᐃᓕᔨᕕᒋᓗᒋᑦ ᐸᓓᕈᑎᓂᒃ ᓯᒃᑭᕇᒃᑯᑎᓂᒃ; ᐅᕝᕙᓘᓐᓃᑦ
- ᖁᑭᐅᑏᑦ ᖁᑭᐅᑎᖃᐅᑎᒧᑦ ᐸᓓᕐᓗᒋᑦ, ᐃᓗᓕᒻᒧᑦ ᐅᕝᕙᓘᓐᓃᑦ ᐃᓪᓗᐊᕈᓯᕐᒧᑦ ᐅᒃᑯᐊᖓ ᓯᖁᒥᓪᓗᒍ ᐃᑎᕐᑕᐅᒍᓇᐅᖕᖏᑐᒧᑦ.
ᖁᑭᐅᑏᑦ ᓇᓂ ᐊᑐᕐᑕᐅᒍᓐᓇᓂᖏᓐᓄᑦ ᒪᓕᒐᕐᑕᓖᑦ ᐊᒻᒪᓗ ᐱᖁᔭᕐᓂᒃ ᓯᖁᒥᑦᓯᒍᑕᐅᒍᓐᓇᑐᑦ
- ᐃᓕᓗᒋᑦ ᓯᒃᑭᐅᑎᖏᑦᑕ ᐸᓓᕈᑎᖏᑦ ᖁᑭᐅᑎᓄᑦ; ᐊᒻᒪᓗ
- ᐃᓕᑦᓯᐊᓗᒋᑦ ᓱᓇᑐᐃᓐᓇᒧᑦ ᐱᑐᓪᓗᒋᑦ ᐲᕐᑕᐅᖃᔭᖕᖏᑐᒧᑦ.
- ᐊᑕᐅᕕᑦᓱᑎᒃ ᐃᓗᓪᓕᑕᐅᓲᓄᑦ ᖁᑭᐅᑎᓄᑦ, ᐲᕐᓯᓗᒋᑦ ᓯᒃᑭᕈᑎᑕᖏᑦ ᐅᕝᕙᓘᓐᓃᑦ ᓯᒃᑭᕈᑎᑕᖏᑦᑕ ᐃᓕᒪᕕᖏᑦ (ᐲᓲᑦᓴᔭᐅᑉᐸᑕ) ᐊᒻᒪᓗ ᐊᓯᐊᓅᕐᓗᒋᑦ ᐃᓪᓗᐊᕈᓯᒧᑦ ᐸᓚᕐᓯᒪᔪᒧᑦ ᐅᒃᑯᐊᖓ ᓯᖁᒥᓪᓗᒍ ᐃᑖᕐᑕᐅᒍᓇᐅᖕᖏᑐᒧᑦ.
ᐊᓯᖏᑦ ᐊᑦᑕᓀᑦᑑᑎᑦᓯᐅᑎᑦᓭᑦ
- ᖁᑭᐅᑎᑎᑦ ᓴᓇᕐᕙᓯᒪᓗᒋᑦ ᑎᒍᒐᓱᐊᕆᐊᒥᒃ ᐱᔭᕐᓃᑐᒥ. ᐸᓓᕐᓯᒪᕕᒻᒦᑎᓗᒋᑦ ᖁᑭᐅᑎᖃᐅᑎᒥ ᐱᑕᖃᕈᕕᑦ, ᐅᕝᕙᓘᓐᓃᑦ ᐃᓗᓕᒻᒥ ᐸᓓᕈᑎᓕᒻᒥ, ᐃᓪᓗᐊᐱᒻᒥ ᐅᕝᕙᓘᓐᓃᑦ ᐊᓐᓄᕌᖃᑕᐅᑎᒥ;
- ᐃᓘᓐᓇᑎᒃ ᖁᑭᐅᑎᑎᑦ ᐊᒻᒪᓗ ᓴᒃᑯᑎᑦ ᑲᒃᑲᓛᑦ ᑎᑭᐅᑎᔮᖓᓃᑦᑎᒍᓐᓀᓗᒋᑦ;
- ᓴᓇᕐᕙᓯᒪᓗᒋᑦ ᖁᑭᐅᑎᑎᑦ ᐊᒻᒪᓗ ᓴᒃᑯᑎᑦ ᑕᕝᕙᓂᑦᓭᓈᕈᓐᓀᑎᓪᓗᒋᑦ ᐊᑐᓂᑦ ᐃᓂᖃᕐᑎᓗᒋᑦ.
“ᖃᐅᔨᒪᓐᓂᕿᑦ? 80%-ᑲᓵᖏᑦ ᐃᒻᒥᓂᐊᕐᑐᐃᑦ ᖁᑭᐅᑎᓂᒃ ᐊᑐᕐᓱᑎᒃ ᑐᖁᓚᕿᕙᑦᑐᑦ1”
Juristat, 2005, ᑳᓇᑕᒥ ᐊᓇᕐᕋᒥᓂ ᐃᓅᒍᓐᓀᑐᑦ ᐃᓄᐊᕐᑕᐅᓱᑎᒃ, ᑳᓇᑕᒥ ᑭᑎᑦᓯᓯᒪᓂᕐᓂᒃ ᓇᓗᓀᕐᑐᐃᓯᒪᐅᑏᑦ 85-002-XIE, p. 5