ᓰᑲᔨᐊᕐᓗᑐᕐᑐᓯᒪᔪᑦ ᐊᖁᑦᑐᑦ
ᐃᑉᐱᒋᔭᐅᑦᓯᐊᓕᑦ
ᑐᑭᓯᐅᑎᑦᓭᑦ ᑖᒃᑯᓇᓃᑦᑐᑦ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᒻᒥ ᓯᖏᑦᓯᔭᖏᑦᑐᑦ ᐊᓪᓚᓯᒪᔪᕐᑕᖏᓐᓂᒃ ᐱᖁᔭᐅᑉ, ᐱᖁᔭᖅ ᐊᐅᓚᑦᓯᒍᑎᓪᓚᕆᐅᒻᒪᑦ.
ᑳᓈᐱᔅᒥᒃ ᓇᔪᕐᑎᖃᕐᓂᖅ
ᑯᐯᒻᒥ, ᐅᑭᐅᓖᑦ ᐃᑭᓐᓂᐹᓂᒃ ᓰᑲᔨᐊᕐᓗᖃᕈᓐᓇᑐᑦ ᐅᕝᕙᓘᓐᓃᑦ ᓂᐅᕕᕈᓐᓇᓱᑎᒃ ᓰᑲᔨᐊᕐᓗᒥᒃ 21-ᓂᒃ. ᐃᓄᐃᑦ 21 ᐊᑖᓃᑦᑐᓂᒃ ᐅᑭᐅᓖᑦ ᑳᓈᐲᔅᒥᒃ ᓰᑲᔨᐊᕐᓗᒥᒃ ᐱᑕᖃᕆᐊᖃᖕᖏᑐᑦ.
ᓇᔪᕐᑎᒋᔭᐅᒍᓐᓇᑐᑦ ᐊᖏᓂᕐᐹᑦ 30 ᑯᔮᒻᔅ grams ᐸᓂᕐᑐᐃᑦ ᓰᑲᔨᐊᕐᓗᐃᑦ ᐅᕝᕙᓘᓐᓃᑦ ᑌᒣᓪᓗᐊᑐᓂᒃ ᓈᒻᒪᖁᐊᓖᑦ ᐃᓄᑦᑕᖃᓲᓂ.
ᓇᔪᕐᑎᒋᔭᐅᒍᓐᓇᑐᑦ ᐃᑭᓐᓂᐸᐅᓗᑎᒃ ᓇᒻᒥᓂᕆᔭᕐᓂ ᐊᓇᕐᕋᕆᔭᐅᔪᓂ 150 grams ᐸᓂᕐᑐᐃᑦ ᓰᑲᔨᐊᕐᓗᐃᑦ ᐅᕝᕙᓘᓐᓃᑦ ᑌᒣᓪᓗᐊᑐᓂᒃ ᓈᒻᒪᖁᐊᓖᑦ, ᐃᓄᖏᑦ ᐃᓪᓘᑉ ᖃᑦᓯᑐᐃᓐᓇᐅᒐᓗᐊᕐᐸᑕ.
ᐆᑦᑑᑎᒋᓗᒋᑦ, ᐱᖓᓱᑦ ᐃᓄᐃᑦ 21-ᓂᒃ ᐅᑭᐅᓖᑦ ᐅᕝᕙᓘᓐᓃᑦ ᐅᖓᑖᓄᑦ ᑕᕝᕙᓂᑦᓭᓇᖅ ᐊᓇᕐᕋᓖᑦ, ᐱᑕᖃᕈᓐᓇᑐᑦ ᑲᑎᓂᓕᓐᓂᒃ ᐃᓘᓐᓇᑎᒃ 150 grams-ᓂᒃ.
ᐃᓄᒃ 21-ᓂᒃ ᐅᑭᐅᓕᒃ ᐅᖓᑖᓄᓘᓐᓃᑦ ᐱᑕᖃᕐᖃᔭᖕᖏᑐᖅ 150 grams ᐅᖓᑖᓅᕐᑐᓂᒃ ᐸᓂᕐᑐᓂᒃ ᓰᑲᔨᐊᕐᓗᓂ ᐅᕝᕙᓘᓐᓃᑦ ᑌᒣᓪᓗᐊᑐᓂᒃ ᓈᒻᒪᖁᐊᓕᓐᓂᒃ ᐊᓇᕐᕋᒥᑕ ᐃᓗᐊᓂᓕᒫᖅ.
ᓰᑲᔨᐊᕐᓗᒥᒃ ᐱᕈᕐᓰᔪᖃᕆᐊᖃᖕᖏᑐᖅ ᓇᒻᒥᓂᖅ ᐱᒋᓛᕐᑕᒥᓂᒃ. ᐱᕈᕐᓯᐊᖃᕐᑐᖃᕆᐊᖃᕋᓂᓗ ᓰᑲᔨᐊᕐᓗᒥᒃ ᓇᒻᒥᓂᖅ ᐱᒋᓛᕐᑕᒥᓂᒃ.
ᐃᓄᑦᑕᖃᓲᑦ ᐃᓚᖏᓐᓂ ᓰᑲᔨᐊᕐᓗᒥᒃ ᓇᔪᕐᑎᖃᕐᕕᐅᒋᐊᖃᖕᖏᑐᑦ, ᐱᓗᐊᕐᑐᒥᒃ ᓇᔪᓲᖏᓐᓂ ᐃᓄᐃᑦ 21 ᐊᑖᓂ ᐅᑭᐅᓖᑦ. ᐆᑦᑑᑎᒋᑦᓱᒋᑦ:
- ᓄᓇᖁᑎᖏᓐᓂ ᐅᕝᕙᓘᓐᓃᑦ ᐃᓗᖏᓐᓂ ᐯᕆᑦᓯᕖᑦ;
- ᓄᓇᖁᑎᖏᓐᓂ ᐅᕝᕙᓘᓐᓃᑦ ᐃᓗᖏᓐᓂ ᐃᓕᓴᕐᕖᑦ (ᐃᓚᐅᑎᓪᓗᒋᑦ ᐃᓄᒻᒪᕇᑦ ᐃᓕᓴᕐᕕᖏᑦ);
- ᓯᓚᑖᖏᓐᓂ ᐊᒻᒪᓗ ᐃᓗᖏᓐᓂ ᑎᒍᔭᐅᒪᕖᑦ.
ᓰᑲᔨᐊᕐᓗᒥᒃ ᓂᐅᕐᕈᓭᓂᖅ
ᐱᖁᔦᑦ ᓯᖁᒥᒍᓐᓀᓗᒋᑦ ᓰᑲᔨᐊᕐᓗᒥ ᓂᐅᕕᕐᕕᓴᑐᐊᖅ ᑯᐯᒻᒥ Société québécoise du cannabis (SQDC). ᐱᖁᔭᕐᓂᒃ ᓯᖁᒥᑦᓯᒍᑕᐅᔪᑦ ᓰᑲᔨᐊᕐᓗᒥᒃ ᓂᐅᕕᕐᓃᑦ ᓇᑭᑐᐃᓐᓇᖅ ᐅᕝᕙᓘᓐᓃᑦ ᑖᒃᑯᐊ ᐊᓯᖏᓐᓂᑦ ᐃᓄᒻᒥᑦ ᑭᓇᑐᐃᓐᓇᒥᑦ.
ᓰᑲᔨᐊᕐᓘᑉ ᐊᑐᕐᑕᐅᓂᖓ
ᓰᑲᔨᐊᕐᓗᑐᕐᑐᖃᕆᐊᖃᖕᖏᑐᖅ ᓇᓂᑐᐃᓐᓇᖅ ᐃᓄᑦᑕᖃᓲᓂ (ᐃᓗᖏᓐᓂ ᐊᒻᒪᓗ ᓯᓚᑎᖏᓐᓂ).
- ᓰᑲᔨᐊᕐᓗᑐᕐᓯᒪᔪᑦ ᑳᓈᐱᔅᒥᒃ ᐊᖁᒋᐊᖃᖕᖏᑐᑦ.
- ᓰᑲᔨᐊᕐᓗᑐᕐᓯᒪᔪᑦ ᑳᓈᐱᔅᒥᒃ ᐃᑎᕐᓯᒪᒋᐊᖃᖕᖏᑐᑦ ᐃᓄᐃᑦ ᑲᑎᒪᕕᒋᓲᖏᓐᓂ ᓇᓂᑐᐃᓐᓇᖅ.
- ᓰᑲᔨᐊᕐᓗᖁᑎᖃᕆᐊᖃᖕᖏᑐᑦ ᐃᓄᐃᑦ 21 ᐊᑖᓂ ᐅᑭᐅᓖᑦ.
- ᓰᑲᔨᐊᕐᓗᒥᒃ ᑳᓈᐱᔅᒥᒃ ᐱᕈᕐᓭᔪᖃᕆᐊᖃᖕᖏᑐᖅ.