SQ Officers Coming to Nunavik but NPS Remains in Charge
March 19, 2021
ᓄᓇᕕᒻᒥ ᐳᓖᓰᑦ ᐱᒍᑦᔨᕕᖓ (ᐃᓐᐲᐃᔅ) ᐊᐱᕐᓱᓯᒪᕗᑦ ᑯᐸᐃᒃ ᐳᓖᓯᖏᓐᓂᒃ (ᐃᔅᑰ) ᓄᓇᕕᒻᒨᔭᐃᑲᐃᓐᓇᖁᑦᓱᒋᑦ ᐳᓖᓯᖏᑦᑕ ᐃᓚᖏᓐᓂᒃ ᐳᓖᓰᓐᓂᐊᓂᖓᓂ ᒫᓐᓇ.
ᑖᓐᓇ ᑐᑦᓯᕋᐅᑎ ᐊᑦᔨᐅᖏᑦᑐᖅ ᑐᕌᕐᑐᖅ ᐃᑲᔪᕐᓯᓂᕐᒧᑦ ᐳᓖᓯᓐᓂᒧᑦ ᐱᒍᑦᔨᓂᖓᓂᒃ ᐊᑦᑕᓇᕐᑐᒦᑦᑕᐃᓕᖁᓗᒋᑦ ᐃᓄᐃᑦ ᐊᒻᒪᓗ ᐳᓖᓰᑦ. ᐊᕙᑎᑦ ᑯᐸᐃᒃᑯᑦ ᐳᓖᓯᖏᑦᑕ ᐳᓖᓯᖏᑦ ᐱᓇᓱᒋᐊᖕᖓᓛᕐᑐᑦ ᓄᓇᕕᒻᒥ ᒫᑦᔨ 24ᒥ. 2019ᒥ ᐱᓇᓱᓚᐅᕐᓯᒪᒻᒥᒐᒥᒃ, ᐃᓐᐲᐃᔅ ᐊᐅᓚᑦᓯᖏᓐᓇᓚᖓᔪᖅ ᐳᓖᓯᓐᓂᒥᒃ ᓄᓇᕕᒻᒥ. ᑯᐸᐃᒃᑯᑦ ᐳᓖᓯᖏᑦ ᐱᓇᓱᖃᑎᖃᓚᖓᕗᑦ ᐃᓐᐲᐃᔅ ᐳᓖᓯᖏᓐᓂᒃ. ᑕᒪᓐᓇ ᐱᓇᓱᖃᑎᒌᓐᓂᖅ ᑐᑭᖃᕐᖁᖅ ᑯᐸᐃᒃᑯᑦ ᐳᓖᓯᖏᑦ ᐱᓇᓱᖃᑎᖃᖏᓐᓇᓕᒫᓚᖓᑎᓪᓗᒋᑦ ᐃᓐᐲᐃᔅ ᐳᓖᓯᖏᓐᓂᒃ ᑕᒪᓐᓇ ᐊᑦᓱᕈᕐᓇᑐᖅ ᓱᕐᕋᐃᓗᐊᖁᓇᒍ ᐃᓄᓐᓂᒃ. ᐃᓐᐲᐃᔅ ᑐᓂᓯᒪᕗᖅ ᐱᕙᓪᓕᒋᐊᕐᓯᒪᓂᕐᒥᓂᒃ ᐳᓖᓯᑦᓴᓯᐅᕐᓂᒧᑦ ᐱᓇᓱᓐᓂᒥᓂᒃ ᐅᑎᕐᑎᓯᕙᓪᓕᐊᓱᑎᓪᓗ ᐱᓇᓱᑦᑎᒥᓅᓕᖓᔪᑦ ᐱᐅᓯᑐᖃᖓᓄᑦ ᐅᐃᒪᑦᓱᑎᒃ ᐱᕕᓕᒫᒥᓄᑦ.