ᕿᒥᕐᕈᕆᑦ. ᓈᓚᒋᑦ, ᐃᓕᑦᓯᒋᑦ. ᐃᑉᐱᒍᓱᒋᑦ: ᐃᑯᐊᓪᓚᕈᓐᓇᐳᖅ ᓇᓂᑐᐃᓐᓇᖅ
ᓄᓇᕕᒻᒥ, ᐊᒃᑑᐸᐅᑉ ᑕᕐᕿᖓᓂ ᐃᑯᐊᓪᓚᓚᕿᑎᑦᓯᑌᓕᓂᕐᒥᒃ ᐱᓇᓱᐊᕐᓂᖃᓲᒍᕗᖅ. ᑕᕝᕙᓂ ᐊᕐᕌᒍᒥ, ᓄᓇᓕᓐᓂ ᐊᑦᑕᓀᑦᑐᒦᑦᑎᓯᓂᕐᓄᑦ ᐱᓇᓱᕝᕕᖓ ᑫᐋᔩᑉ ᓄᓇᕕᒻᒥᐅᓂᒃ ᐃᓕᓐᓂᐊᑎᑦᓯᒍᒪᔪᑦ ᐱᖓᓱᐃᓂᒃ ᒪᓕᑦᑕᐅᓚᕆᒋᐊᓕᓐᓂᒃ ᐃᑲᔪᕐᓯᒍᓐᓇᒪᑕ ᐃᑯᓪᓚᓚᖀᑎᑦᓯᑌᓕᓂᕐᒥᒃ.
ᕿᒥᕐᕈᕆᑦ ᓇᓂ ᐃᑯᓪᓚᕈᐊᕈᓇᐅᒻᒪᖔᑦ. ᐊᓇᕐᕋᓃᕕᑦ ᕿᓂᕐᓗᑎᑦ. ᓇᓗᓀᕐᓗᒋᑦ ᐃᑯᐊᓪᓚᓚᖀᒍᓀᑦ ᐊᒻᒪᓗ ᑲᒪᒋᓯᓗᒋᑦ. ᐃᑯᐊᓚᒃ ᓇᑭᑐᐃᓐᓇᖅ ᐱᒋᐊᕈᓐᓇᐳᖅ! ᓈᓚᒋᑦ ᐳᔪᕐᒥᒃ ᓀᒍᑎᐅᑉ ᓂᐸᖓᓂ. ᓂᓪᓕᐸᑦ ᐳᔪᕐᒥᒃ ᓀᒍᑎᒃ ᓯᕐᓛᐱᒃ ᐱᕕᑦᓴᖃᕋᔭᕐᑐᓴᐅᔪᑎᑦ ᐊᓐᓇᒋᐊᕈᓐᓇᕕᖃᕐᓗᑎᑦ. ᓯᓚᒥ ᑲᑎᕕᒋᒍᒫᕐᓂᐊᑕᓯᓐᓄᑦ ᐁᓗᓯ, ᑖᓐᓇᓗ ᑲᑎᕕᒋᒍᒫᕐᓂᐊᑕᓯ ᓇᓗᓀᕐᓯᒪᔭᓯ ᑌᒪᖕᖓᑦ ᑕᕝᕙᓂᑦᓭᓈᕐᐸᒋᐊᖃᕐᓱᓂ, ᐆᑦᑑᑎᒋᓗᒍ ᓴᓂᓪᓕᓯ ᐃᓪᓗᖓ. ᐃᓕᑦᓯᒋᑦ ᒪᕐᕈᐃᒍᒻᒪᓃᒃ ᐃᓪᓗᐊᕈᓯᕐᓂ ᐃᓘᓐᓀᓂ ᐊᓂᕕᑦᓵᒃ ᐊᒻᒪᓗ ᐃᓘᓐᓇᑎᒃ ᐅᒃᑯᐊᑦ ᐊᒻᒪᓗ ᐃᒐᓛᑦ ᐊᓂᕕᐅᒍᓐᓇᑐᑦ ᐅᒃᑯᐃᓴᐅᑎᒋᒍᓐᓇᓂᖏᓐᓂᒃ ᖃᐅᔨᒪᑦᓯᐊᓗᓯ. ᐱᓇᓱᐊᕈᓯᕐᓂ ᐊᑐᓚᖓᓕᕐᒥᔪᓂ, ᖃᒥᑎᕆᔩᑦ ᕿᒥᕐᕈᖃᑦᑕᓚᖓᓕᕐᒥᔪᑦ ᐃᓪᓗᓂᒃ ᐃᑯᐊᓪᓚᑐᖃᕐᐸᑦ ᐊᓐᓇᕕᑦᓴᓯᐊᒍᒻᒪᖔᑕ. ᐃᓚᐅᔪᑦ ᐊᓕᐊᓇᕐᑐᓂᒃ ᓵᓚᖃᐅᑎᑖᓛᕐᑐᑦ ᓇᓚᐅᑦᓵᑎᑕᐅᓗᑎᒃ ᐃᑯᐊᓪᓚᑎᑦᓯᑌᓕᓂᕐᓄᑦ ᐃᑉᐱᒍᓱᓕᕐᑎᓯᒋᐊᕐᓂᖅ ᐊᓂᒍᕐᐸᑦ. ᑕᕝᕙᓂ ᑕᕐᕿᒥ, ᐃᒣᓘᑦᓯᐊᖃᑦᑕᕆᑦᓯ: ᕿᒥᕐᕈᓗᑎᑦ. ᓈᓚᓪᓗᑎᑦ. ᐃᓕᑦᓯᓗᑎᑦ. ᐊᒻᒪᓗ ᐃᑉᐱᒍᓱᑦᓯᐊᓗᑎᑦ: ᐃᑯᐊᓚᒃ ᓇᓂᑐᐃᓐᓇᖅ ᐱᒋᐊᕈᓐᓇᒪᑦ.