ᐃᒥᐊᓗᑦᓯᒪᔪᓂᒃ ᐊᖁᑦᑐᖃᕐᒪᖔᑦ ᖃᐅᔨᓴᕐᓂᖅ ᓄᑖᖅ ᐊᖁᑦᑐᓂᒃ ᑰᑦᔪᐊᒥ: 4 ᐃᓕᒪᒋᔭᐅᔪᑦ ᑎᒍᔭᐅᓚᐅᕐᑐᑦ
ᑲᑎᕕᐅᑉ ᐳᓖᓯᖏᑦ ᐊᕐᖁᑎᒥ ᓄᕐᖃᑫᑲᑦᑕᓚᐅᕐᑐᑦ ᑰᑦᔪᐊᑉ ᓄᓇᓕᖓᓂ ᓂᕿᑦᓯᑐᓂ, ᓅᕕᒻᐱᕆ 27-ᒥ, ᓯᑕᒪᑦ ᑎᒍᔭᐅᓚᕿᑎᓪᓗᒋᑦ ᐋᖓᔮᑦᓱᑎᒃ ᐊᖁᑦᑐᑦ. ᐱᖓᓲᔪᕐᑐᑦ ᑲᑎᑦᓱᑎᒃ ᑎᒍᔭᐅᓚᐅᕐᑐᑦ ᐋᖓᔮᑦᓱᑎᒃ ᐊᖁᓐᓂᒥᓄᑦ ᑕᕝᕙᓂᑦᓭᓇᖅ ᐅᓪᓗᒥ.
ᐊᕐᖁᑎᒥ ᐊᖁᑦᑐᑦ ᓄᕐᖃᑎᑕᖃᑦᑕᓕᓚᐅᕐᒥᔪᑦ 9-ᒥᑦ ᐅᓐᓄᑐᒃᑯᑦ 10:15-ᒧᑦ ᐅᓐᓄᑐᒃᑯᑦ. 40 ᓴᓂᐊᓃᑦᑐᑦ ᐃᖏᕐᕋᐅᑏᑦ ᓄᕐᖃᑎᑕᐅᖃᑦᑕᑎᓗᒋᑦ. ᑲᑎᕕᐅᑉ ᐳᓖᓯᖏᑦ ᐊᒃᑑᐸᒥ ᓄᕐᖃᑫᖃᑦᑕᓚᐅᔪᒻᒥᓱᑎᒃ ᐃᖏᕐᕋᔪᓂᒃ, ᒪᕐᕉᒃ ᑌᑦᓱᒪᓂ ᑎᒍᔭᐅᓚᕿᑎᓪᓗᒋᒃ. ᑕᕝᕙᓂ ᑐᖓᓕᐊᓂ ᑲᑎᕕᐅᑉ ᐳᓖᓯᖏᑦ ᐊᕐᖁᑎᒥ ᓄᕐᖃᑫᑲᑦᑕᓂᐊᕐᓂᒥᓂᒃ ᓯᕗᓂᐊᒍᑦ ᐅᖃᕐᓯᒪᓚᐅᕐᑐᑦ. ᐋᖓᕙᑦᓱᑎᒃ ᐊᖁᑦᑐᑦ ᐅᓄᓕᐅᒥᓯᒪᓚᐅᕐᑐᑦ 70%-ᓄᑦ ᑕᕝᕙᓂ ᐊᕐᕌᒍᒥ, ᓚᓚᐅᕐᑐᖅ ᑲᑎᕕᐅᑉ ᐳᓖᓯᖏᑦᑕ ᐊᖓᔪᕐᖄᒪᕆᖓ ᔮ-ᐱᐊᕐ ᓚᕈᔅ ᑫᐊᔩᑉ ᑲᑎᒪᔨᖏᑦ ᑲᑎᒪᑎᓪᓗᒋᑦ ᐱᓇᓱᐊᕈᓯᐅᓚᐅᕐᑐᒥ. ᓄᓇᕕᒻᒥᐅᑦ ᐃᒥᐊᓗᑦᓯᒪᓗᑎᒃ ᐅᕝᕙᓘᓐᓃᑦ ᐋᖓᔮᓐᓇᑐᕐᑐᓯᒪᓗᑎᒃ ᐊᖁᖃᑦᑕᖁᔭᐅᖕᖏᒪᑕ ᐊᒻᒪᓗ ᐋᓐᓂᓚᕿᔪᑦ ᐃᑭᓐᓂᓴᐅᖃᑦᑕᓗᑎᒃ, ᑲᑎᕕᐅᑉ ᐳᓖᓯᖏᑦ ᐃᖏᕐᕋᔪᓂᒃ ᓄᕐᖃᑫᓕᐅᒥᔮᖃᑦᑕᓚᖓᔪᑦ ᑰᑦᔪᐊᒥ ᐊᒻᒪᓗ ᐊᓯᖏᓐᓂ ᓄᓇᓕᓐᓂ 2021-ᒥ. ᑕᑯᒻᒥᓗᒋᑦ ᐅᑲᐊ ᐊᑐᐊᕋᑦᓭᑦ: Alcohol Roadblock in Kuujjuaq: 2 Suspects Arrested ᐃᒥᐊᓗᑦᓯᒪᔪᕐᓯᐅᑐᖅ ᐊᕐᖁᑎᒥ ᓄᕐᖃᑫᑲᑦᑕᓱᑎᒃ ᑰᑦᔪᐊᒥ: 2 ᐃᒥᐊᓗᑦᓯᒪᑦᓱᑎᒃ ᐊᖁᑦᑑᒃ ᑎᒍᔮ