ᓇᓄᖅ ᐊᓯᐅᕗᖅ (ᐅᕕᒃᑫᑦ ᐊᐅᔭᒥ ᓱᖃᑦᓯᑎᑕᐅᒍᑎᖓ)!
August 11, 2017
ᔪᓓ 17, 2017-ᒥ, ᒪᕐᕉᒃ ᐳᓖᓰᒃ ᐳᓛᕆᐊᓚᐅᔫᒃ ᐅᕕᒃᑲᓂᒃ ᐊᐅᔭᒥ ᐊᑐᐊᕐᓯᒋᐅᕐᓴᑐᓄᑦ ᐃᓄᑦᔪᐊᒥ ᐊᒻᒪᓗ ᐱᓂᕐᓗᕈᑕᐅᔪᕕᓂᕐᒥᒃ ᖃᐅᔨᓴᖃᑎᒋᖕᖑᐊᓴᕐᓱᒋᑦ.
ᑌᑲᓂ ᐅᓪᓗᒥ, ᑲᔪᓯᑎᑦᓯᔨᖏᑦ ᐊᑐᐊᕐᓯᒋᐅᕐᓴᑎᑦᓯᓂᐅᑉ ᐃᓄᑦᔪᐊᒥ ᐃᑲᔪᕐᑕᐅᒍᒪᓚᐅᔫᑦ ᑲᑎᕕᐅᑉ ᐳᓖᓯᖏᓐᓄᑦ. ᓇᓄᖅ ᐊᓯᐅᒻᒪᑦ! ᖃᐅᔨᓴᖃᑕᐅᓕᓚᐅᔫᑦ ᖃᓄᐃᓕᓐᓂᒪᖔᑦ ᐅᕕᒃᑫᑦ ᐳᓖᓰᓐᓂᒃ. ᓇᓄᖅ ᑲᑎᕕᐅᑉ ᐳᓖᓯᖏᑦᑕ ᓇᓄᖕᖑᐊᖁᑎᒋᓲᖓ ᕿᑎᕋᓕᕇᒥ, ᐳᓖᓰᒃ ᔫᓂ ᑐᕌᒻᐸᓓ ᐊᒻᒪᓗ ᑲᐳᕆᐊᓪ ᔭᓪᐳᑦ-ᒧᔦ ᓄᓇᓕᓐᓂ ᐱᓱᖃᑎᖃᓚᐅᔫᑦ ᑲᒃᑲᓛᓂᒃ ᐊᐅᔭᒥ ᓱᖃᑦᓯᑎᑕᐅᔪᓂᒃ ᐊᒻᒪᓗ ᐱᓇᓱᐊᕐᑎᑕᐅᒍᑎᖏᓐᓂᒃ ᑲᔪᓯᑎᑦᓯᔩᒃ, ᐃᒫᓄᐃᐊᓪ ᐊᒻᒪᓗ ᕕᕋᓂᒃ, ᕿᓈᔭᕐᓱᑎᒃ ᖃᐅᔨᒍᑎᑦᓴᒋᐊᓪᓚᓂᒃ ᐃᓚᓐᓈᖓᑕ ᓇᓅᑉ ᑕᑯᔭᐅᓚᕿᐅᑎᑦᓴᖏᓐᓂᒃ. ᑌᑦᓱᒪᓂ, ᐃᓕᒪᒋᔭᐅᓚᐅᔫᑦ ᐊᐅᔭᒥ ᐊᑐᐊᕐᓯᒋᐅᕐᓴᕕᒻᒦᑐᓄᑦ ᐊᓯᖃᓚᐅᔪᒍᓐᓀᑐᑦ ᑕᕐᕋᒥ ᐊᕐᓴᓃᑦ. ᖃᓄᑐᐃᓐᓇᖅ ᑐᑭᓯᐅᑎᑦᓴᖃᕈᕕᑦ ᓇᓅᑉ ᐊᓯᐅᓂᖓᓄᑦ, ᓄᓇᓕᓯᓐᓂ ᐳᓖᓯᒃᑯᓄᑦ ᓯᕙᕆᐊᖃᕐᑐᑎᑦ ᐅᕝᕙᓘᓐᓃᑦ ᐊᐅᔭᒥ ᐊᑐᐊᕐᓯᒋᐅᕐᓴᖃᑎᒌᓄᑦ. ᖃᐅᔨᓴᖃᑎᒌᑦ ᑲᑎᕕᐅᑉ ᐳᓖᓯᖏᑦ ᐃᓕᒃᑰᑎᕐᑐᑦ ᐊᒻᒪᓗ ᐊᐅᔭᒥ ᐊᑐᐊᕐᓯᒋᐅᕐᓴᖃᑎᒌᑦ ᐊᑦᔨᒐᓛᖏᑦ ᐊᓪᓚᑕᐅᔪᑦ ᐊᑐᐊᕐᓯᒋᐅᕐᓴᑐᓃᑦᓱᖓ - ᐊᓪᓚᑕᕕᓂᖏᑦ ᐳᓖᓯᐅᑉ ᑲᐳᔨᐊᓪ ᑲᕉᓐ