ᐊᖑᑎᒃ ᐃᓄᑦᔪᐊᑉ ᓴᓂᐊᓂ ᐃᒫᕐᑐᖅ
August 29, 2017
ᐊᐅᒍᓯᑎ 24-ᒥ, ᐅᓐᓄᓴᒃᑯᑦ, ᐊᖑᑎᒃ ᐃᒫᓚᐅᔫᖅ ᖃᔭᕆᐊᖅ ᐃᑯᒪᕕᖓ ᖃᔭᐅᑎᓪᓗᒍ, 10-ᓂᒃ ᑭᓗᒥᑕᓂᒃ ᐅᖓᓯᓐᓂᓕᒻᒥ ᐃᓄᑦᔪᐊᒥᑦ.
ᐱᖓᓱᑦ ᐃᓄᐃᑦ ᖃᔭᕆᐊᕐᑐᑐᑦ ᒪᙯᑦᓱᑎᒃ ᐃᑯᒪᕕᖓ ᖃᔭᐅᓚᐅᔫᖅ ᐅᓐᓄᓴᑐᖃᐅᓕᕐᑎᓗᒍ. ᒪᕐᕉᒃ ᐃᑯᒪᔫᒃ ᖃᔭᕆᐊᒥᒃ ᒪᑭᑎᑦᓯᒍᓐᓇᓯᔪᕕᓃᒃ, ᑭᓯᐊᓂ ᐱᖓᔪᒥᓂᒃ ᐊᓯᐅᔨᑦᓱᑎᒃ. ᕿᓈᔭᕐᑏᑦ ᕿᓂᕆᐊᕐᑎᑕᐅᓯᓚᐅᔫᑦ ᐊᒻᒪᓗ ᐊᖑᑎᒃ ᐅᓪᓛᑯᑦ ᑐᖁᖓᓕᕐᑎᓗᒍ ᑕᑯᔭᐅᑦᓱᓂ. ᑕᑯᔭᐅᓇᓵᕐᑐᕕᓂᖅ ᑖᕐᑑᓕᕐᓂᒪᑦ ᕿᓂᓯᑎᓪᓗᒋᑦ. ᖃᐅᔨᓴᕐᑕᐅᖏᓐᓈᑐᖅ ᖃᓄᐃᓕᓪᓚᕆᑦᓱᓂ ᑐᖁᓚᕿᓐᓂᒪᖔᑦ. ᑲᑎᕕᐅᑉ ᐳᓖᓯᖏᑦ ᐃᕐᙯᑎᑦᓯᒋᐊᖃᑦᑕᓕᕐᑐᑦ ᖃᔭᕆᐊᕐᑐᓚᖓᔪᓂᒃ ᐳᑦᑕᐅᑎᒃᑲᕆᐊᖃᕐᓂᐅᑉ ᐱᒻᒪᕆᐅᓂᖓᓂᒃ.