ᐊᑐᐊᕐᓯᒋᐅᕐᓴᑐᓃᑦᓱᖓ – ᐊᓪᓚᑕᖏᑦ ᐳᓖᓯᐅᑉ ᑲᐳᔨᐊᓪ ᑲᕉᓐ

ᔪᓓ 12-ᒥ, ᐃᓚᐅᓚᐅᔪᔪᖓ ᐊᑐᐊᕐᓯᒋᐅᕐᓴᑐᓄᑦ ᑰᑦᔪᐊᕌᐱᐅᑉ ᐃᓕᓴᕐᕕᖓᓂ. ᑕᕐᕋᒥ ᓄᓇᓖᑦ, ᑕᓯᐅᔭᕐᔪᐊᒥ, ᓄᓇᕕᒻᒥ ᓄᓇᓕᐅᑦᓱᓂ ᓯᕿᓂᕐᒦᓂᕐᐹᖅ ᐊᒻᒪᓗ ᐃᓄᖃᕐᓱᓂ 700 ᓴᓂᐊᓃᑦᑐᓂᒃ.

ᔪᓓ 12-ᒥ, ᐃᓚᐅᓚᐅᔪᔪᖓ ᐊᑐᐊᕐᓯᒋᐅᕐᓴᑐᓄᑦ ᑰᑦᔪᐊᕌᐱᐅᑉ ᐃᓕᓴᕐᕕᖓᓂ. ᑕᕐᕋᒥ ᓄᓇᓖᑦ, ᑕᓯᐅᔭᕐᔪᐊᒥ, ᓄᓇᕕᒻᒥ ᓄᓇᓕᐅᑦᓱᓂ ᓯᕿᓂᕐᒦᓂᕐᐹᖅ ᐊᒻᒪᓗ ᐃᓄᖃᕐᓱᓂ 700 ᓴᓂᐊᓃᑦᑐᓂᒃ. ᑎᓕᐅᕐᑕᐅᒍᑎᒋᓗᐊᓚᐅᔪᔭᕋ ᑖᕗᖕᖓᓚᖓᑎᓪᓗᖓ ᐊᑐᐊᕐᓯᒍᑦᔨᖁᔭᐅᑦᓱᖓ ᐊᑐᐊᒐᕐᓂᒃ ᐃᓕᓴᕐᕕᒥ ᑲᒃᑲᓛᓂᒃ. ᐃᑎᕐᓱᖓ, ᐅᖄᖃᑎᖃᓚᐅᔪᔪᖓ ᐊᒥᓲᖕᖏᑐᓂᒃ ᐊᑐᐊᕐᓯᒋᐅᕐᓴᑎᑦᓯᕕᒻᒥ ᐱᓇᓱᑦᑎᓂᒃ ᐊᒻᒪᓗ ᑐᑭᑖᕐᓱᑕ ᑲᒃᑲᓛᓄᑦ ᐊᓕᐊᒋᔭᐅᑎᒋᐊᓚᖓᑎᓪᓗᖓ, ᑭᓇᐅᒻᒪᖔᕐᒪ ᑐᓴᕐᑎᖄᕐᓗᒋᑦ, ᑌᒪ ᐊᑐᐊᕐᑕᐅᖁᓗᒋᑦ ᓇᓪᓕᑳᕐᑕᖏᓐᓂᒃ ᐊᑐᐊᕐᓯᒍᑦᔨᓂᐊᓕᕋᒃᑭᑦ. ᑲᒃᑲᓛᑦ ᕿᓚᓈᑦᓯᐊᓚᐅᔫᑦ ᐊᒻᒪᓗ ᐃᑉᐱᒍᓱᑦᓯᐊᓱᑎᒃ. ᑲᒃᑲᓛᑦ 20 ᓴᓂᐊᓃᓚᐅᔫᑦ ᐅᑭᐅᖃᖃᑎᒌᑦᔭᒐᑎᒃ ᐊᒻᒪᓗ ᑕᒉᓐᓇᖅ ᙯᑦᓯᓱᑎᒃ ᑕᓪᓕᒪᓂᒃ ᐊᑐᐊᒐᕐᓂᒃ. ᓇᓪᓕᑳᕐᓱᑎᒃ ᐊᑐᐊᓚᖓᔭᕐᓃᕙᖓ ᓂᕈᐊᓚᐅᔫᑦ The Book With No Pictures (ᐊᑐᐊᒉᑦ ᐊᑦᔨᖑᐊᕐᑕᖃᖕᖏᑐᑦ). ᐃᔪᕆᓴᐅᑎᖃᓚᐅᔫᑦ ᐊᑐᐊᒐᕐᓂᒃ ᐊᒻᒪᓗ ᑖᕙᓃᓐᓂᓃᕙᖓ ᓇᑯᕐᓴᕙᓗᑦᓱᑎᒃ. ᑐᖓᓕᖏᓐᓂᒃ ᐊᑐᐊᒐᕐᓂᒃ ᐊᑐᐊᕐᓯᖁᔨᓕᓚᐅᔪᒻᒥᔪᑦ, ᐊᖏᓚᐅᔪᔭᒃᑲ. ᐊᑐᐊᕐᓯᒌᕐᓱᖓ, ᐱᓇᓱᒐᕐᒪ ᒥᑦᓵᓄᑦ ᐊᐱᕐᓱᕈᓐᓇᑎᓚᐅᔪᔭᒃᑲ, ᐳᓖᓰᑦ ᐊᓐᓄᕌᖏᓐᓄᑦ, ᐱᓇᓱᐊᕈᑎᓄᑦ ᓇᔪᕐᑎᓅᕙᖓ, ᐊᒻᒪᓗ ᐊᓯᖏᓐᓄᑦ ᖃᐅᔨᒍᒪᔭᖏᓐᓄᑦ. ᑕᙯᕐᓯᑫᓐᓇᑎᓪᓗᒋᑦ, ᓯᓚᒨᖃᑎᒋᓚᐅᔪᔭᒃᑲ ᐅᖄᖃᑎᒋᒋᐊᓪᓚᓱᒋᑦ ᐊᒻᒪᓗ ᐆᑦᑐᑎᑦᓱᒋᑦ ᑭᐊᑌᓪᑕᕐᓃᕙᖓ ᓴᒃᑯᓄᑦ ᑭᓪᓕᓴᐅᖏᑦᑐᒥᒃ. ᐅᓪᓗᐃᑦ ᐊᒥᓲᖕᖏᑐᑦ ᐊᓂᒍᕐᑎᓗᒋᑦ, ᐅᖄᖃᑎᖃᓕᓚᐅᔪᒻᒥᔪᖓ ᐊᑐᐊᕐᓯᒋᐅᕐᓴᓂᕐᒥ ᐱᓇᓱᑦᑎᒥᒃ. ᑲᒃᑲᓛᓂᒃ ᐊᓕᐊᑦᑐᒪᕆᐅᓂᕃᓚᐅᔫᖅ ᑖᕙᓃᑦᑎᓗᖓ, ᐱᕙᓪᓖᓯᐊᕐᑐᕕᓂᐅᓂᕃᑦᓱᓂ ᐊᒻᒪᓗ ᓇᑯᕐᒦᓱᓂ ᑖᕗᖕᖓᕈᓐᓇᓯᓚᐅᔪᒐᒪ.   -ᐳᓖᓯ ᑲᐳᔨᐊᓪ ᑲᕉᓐ