ᐃᑯᐊᓚᔪᕐᓂᐊᑏᑦ ᓯᕗᓕᕐᑎᖏᑦᑕ ᐊᕐᕌᒍᑕᒫᑦ ᑲᑎᒪᓂᖓ ᑰᑦᔪᐊᒥ
September 20, 2019
![](https://www.nunavikpolice.ca/wp-content/uploads/firepercent20chiefspercent20meetingpercent20groyp.webp)
2019-ᖑᑎᓪᓗᒍ, ᐃᑯᐊᓚᔪᕐᓂᐊᑏᑦ ᓯᕗᓕᕐᑎᖏᑦᑕ ᐊᕐᕌᒍᑕᒫᑦ ᑲᑎᒪᓂᖓ, ᐊᑐᐃᓐᓇᕈᕐᑕᐅᓱᓂ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᓇᐅᓕᒫᓂᒃ ᐊᑦᑕᓇᖕᖏᑐᒦᑦᑎᓯᒋᐊᕐᓂᒧᑦ ᐱᑦᔪᔨᕕᖓᓄᑦ, ᐊᑑᑎᓚᐅᕐᑐᖅ ᓯᑦᑎᒻᐱᕆ 16-ᒥ 20-ᒧᑦ.
ᐃᑯᐊᓚᔪᕐᓂᐊᑏᑦ ᓯᕗᓕᕐᑎᖏᑦ ᐊᒻᒪᓗ ᐃᑯᐊᓚᔪᕐᓂᐊᑏᑦ ᓄᓇᓕᓕᒫᓂ ᐱᓯᒪᔪᑦ ᐃᓚᐅᖃᑕᐅᓚᐅᕐᑐᑦ ᐊᒥᓱᓄᑦ ᑕᑯᑦᓴᐅᑎᑕᐅᔪᓂ ᐊᒻᒪᓗ ᐱᔭᕆᐅᕐᓴᑕᐅᔪᓂ ᐃᑲᔪᕐᓯᓂᐊᕐᑐᓂᒃ ᓄᐃᑦᓯᒋᐊᕈᑎᑦᓴᓂᒃ ᐱᓇᓲᑎᓂᒃ ᓄᑖᓂᒃ ᐊᒻᒪᓗ ᐱᓕᓂᕆᒍᓐᓇᑕᖏᓐᓂᒃ ᐱᓇᓱᒐᖏᓐᓂ. ᐅᖄᔭᐅᔪᑦ ᐃᓚᖃᓚᐅᔪᑦ ᐃᑯᐊᓪᓚᑐᖃᑲᓪᓚᓴᕐᓂᐸᑦ ᐊᑦᑕᓇᖕᖏᑐᒦᒋᐊᕈᓰᑦ ᐸᕐᓇᓯᒪᐅᑎᖓ, ᓄᓇᕕᐅᑉ ᐃᑯᐊᓚᐅᑉ ᐱᔮᓄᑦ ᑭᓯᑕᐅᒪᒍᑎᖓ, ᐅᐃᒪᓇᕐᑐᓕᕆᔩᑦ ᐊᑑᑎᓯᒪᔭᖏᑦ, ᒥᕝᕕᓂ ᐅᐃᒪᓇᕐᑐᓕᕆᐅᓰᑦ, ᐅᐃᒪᓇᕐᑐᖃᓕᕐᐸᑦ ᐅᐸᓗᙰᔭᕐᓯᒪᓂᕐᒧᑦ ᐸᕐᓇᓯᒪᐅᑎᒃ ᐊᒻᒪᓗ ᐃᑯᐊᓚᐅᑉ ᐊᑦᑕᓇᕐᓂᖓᑕ ᑐᓴᐅᒪᔭᐅᑎᑕᐅᒐᓱᐊᕈᑎᖓ.