ᐃᓕᒪᒋᔭᖅ ᑎᒍᔭᐅᔪᖅ ᐋᖓᔮᓐᓇᑐᓂᒃ ᓂᐅᕐᕈᓯᕐᓂᒥᓄᑦ ᑰᑦᔪᐊᒥ

ᐁᐸᔭᓕ 4-ᒥ, ᑲᑎᕕᐅᑉ ᐳᓖᓯᖏᑦ ᑎᒍᓯᓚᐅᕐᑐᑦ ᐃᓕᒪᒋᔭᕐᒥᒃ ᑰᑦᔪᐊᑉ ᑎᒻᒥᔫᕐᓂᐊᕕᖓᓂ ᐊᒻᒪᓗ ᓰᑲᔨᐊᕐᓗᒥᒃ ᑎᒍᔨᑦᓱᒍ.

ᐃᓄᓐᓄᑦ ᑐᓴᕐᑎᑕᐅᒍᑎᒥᓂᒃ ᖃᓄᐃᓕᒋᐊᕈᑎᖃᕐᓱᑎᒃ ᐃᓕᒪᓇᕐᑐᖃᕐᑎᓗᒍ ᐋᖓᔮᓐᓇᑐᓂᒃ ᓂᐅᕐᕈᑎᑦᓴᓕᒻᒥᒃ, ᑲᑎᕕᐅᑉ ᐳᓖᓯᖏᑦ ᖃᐅᔨᓴᓯᓚᐅᕐᑐᑦ ᐃᓕᒪᒋᔭᕐᒥᒃ. ᖃᐅᔨᓴᕐᓱᑎᒃ ᑕᑯᓚᐅᕐᑐᑦ ᐃᓕᒪᒋᔭᐅᑉ ᐱᔭᐅᒍᒪᒋᐊᖓᓂᒃ ᑎᒍᔭᐅᒋᐊᖃᕐᓂᒥᓄᑦ ᓇᓗᓀᕐᑕᐅᓯᒪᒻᒪᑦ. ᑲᑎᕕᐅᑉ ᐳᓖᓯᖏᓐᓄᑦ ᐁᐸᔭᓕ 4-ᒥ ᑎᒍᔭᐅᓚᐅᕐᑐᖅ, ᑰᑦᔪᐊᑉ ᑎᒻᒥᔫᕐᓂᐊᕕᖓᓂ.   ᑎᒍᓯᓯᒪᓕᕐᓱᑎᒃ, ᑲᑎᕕᐅᑉ ᐳᓖᓯᖏᑦ ᐁᑦᑐᑕᐅᓚᐅᕐᑐᑦ ᕿᓂᕈᓐᓇᐅᑎᒥᒃ, ᑕᑯᓚᕿᑦᓱᑎᒃ 45 grams-ᓂᒃ ᐅᖁᒣᓐᓂᓕᓐᓂᒃ ᓰᑲᔨᐊᕐᓗᖁᑎᖏᓐᓂᒃ ᐃᕐᓯᕕᖓᓃᑦᑐᓂᒃ ᐃᓕᒪᒋᔭᐅᑉ. ᐱᖓᓲᔪᕐᑐᕕᑦᓱᓂ ᐱᖁᔭᕐᓂᒃ ᓯᖁᒥᑦᓯᓂᕐᒧᑦ ᓇᓗᓀᕐᑕᐅᒍᑎᑖᕐᓯᒪᔪᕕᓂᖅ, ᐃᓚᖃᕐᑎᓗᒋᑦ ᓂᐅᕐᕈᓭᓂᕐᒥᒃ ᐱᖁᔭᑎᒍᑦ ᐊᐅᓚᑕᐅᓂᓕᓐᓂᒃ ᐊᒻᒪᓗ ᓇᔪᕐᑎᖃᕐᓂᒥᓄᑦ ᓰᑲᔨᐊᕐᓗᒥᒃ ᑳᓈᐱᔅᒥᒃ.   ᑲᑎᕕᐅᑉ ᐳᓖᓯᖏᑦ ᐃᕐᙯᑎᑦᓯᒍᒪᔪᑦ ᓄᓇᕕᒻᒥᐅᓂᒃ ᓰᑲᔨᐊᕐᓗᒥᒃ ᓇᔪᕐᑎᖃᕐᓂᖅ ᐊᒻᒪᓗ ᓂᐅᕐᕈᓯᕐᓂᖅ ᐱᖁᔭᕐᒥᒃ ᓯᖁᒥᑦᓯᒍᑕᐅᒻᒪᑕ. ᖃᓄᑐᐃᓐᓇᖅ ᑐᑭᓯᐅᑎᑦᓭᑦ ᐃᓕᒪᓇᕐᑐᖃᓕᕐᓂᒧᑦ, ᐃᓚᐅᑎᓪᓗᒋᑦ ᓂᐅᕐᕈᓭᔪᓂᒃ ᐃᒥᐊᓗᒻᒥᒃ ᐊᒻᒪᓗ ᐋᖓᔮᓐᓇᑐᓂᒃ, ᑐᓴᕐᑕᐅᑎᑕᐅᒍᓐᓇᑐᑦ ᑭᓇᐅᓂᕐᒥᓂᒃ ᐅᖃᕆᐊᖃᕈᓐᓀᓗᑎᒃ ᐅᖄᒍᑎᒧᑦ ᐊᑭᖃᖕᖏᑐᒧᑦ ᓯᕙᓂᕐᓗᑎᒃ 1-800-711-1800-ᒧᑦ. ᐁᑦᑐᑕᐅᓚᕿᒍᓐᓇᑐᑦ $2,000 ᑎᑭᓪᓗᒋᑦ ᐊᑭᓖᐅᑏᑦ ᑐᓴᕐᑎᓯᓂᕐᒧᑦ.   ᑕᑯᒻᒥᓗᒋᑦ ᖃᕆᑕᐅᔭᕐᒦᖕᑐᑦ ᐅᕙᓂ: ᓰᑲᔨᐊᕐᓗᑐᕐᑐᓯᒪᔪᑦ ᐊᖁᑦᑐᑦ; ᖃᐅᔨᒪᒋᐊᓕᑎᑦ ᓰᑲᔨᐊᕐᓗᐃᑦ ᐳᕕᕐᓂᑐᒥ ᑎᒍᔭᐅᔪᑦ