ᑲᑎᕕᒃ ᐳᓖᓰᑦ ᐊᖓᔪᖅᑳᖓᑕ ᑐᖓᓕᖓ ᐁᓯᒪᖃᑕᐅᔪᕕᓂᖅ ᖃᐅᔨᓴᕆᐊᕐᓂᒥᒃ ᐅᔭᕋᐅᑉ ᐱᖁᔭᕐᑎᒎᕐᑎᑕᐅᓛᕈᓐᓀᒋᐊᖓᓂᒃ
October 3, 2017
ᓯᑦᑎᒻᐱᕆ 29-ᖑᑎᓪᓗᒍ, ᑯᐯᒃᓯᑎᒥ, ᑲᑎᕕᒃ ᐳᓖᓰᑦ ᐊᖓᔪᕐᑳᖓᑕ ᑐᖓᓕᖓ ᐁᓯᒪᔪᕕᓂᖅ ᓄᓇᖃᖅᑳᓯᒪᔪᑦ ᐊᒻᒪᓗ ᐃᓄᐃᑦ ᖃᐅᔨᒋᐊᕐᕕᐅᓂᖏᓐᓂᒃ ᐅᔭᕋᐅᑉ ᐱᖁᔭᕐᑎᒎᕐᑎᑕᐅᓛᕈᓐᓀᒋᐊᖓᓂᒃ ᑯᐯᒃ ᑲᕙᒪᒃᑯᖓᓄᑦ.
ᐃᓚᖃᕐᓱᓂ ᐃᑦᓯᕙᐅᑕᕆᔭᐅᔪᒧᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ, ᔨᐊᓂᕗ ᒪᓂᒃᒥᑦ, ᐃᓚᐅᓚᖓᑦᓱᑎᑦ ᖃᐅᔨᒋᐊᕕᖃᕐᓂᒥᒃ ᓯᑦᑎᒻᐱᕆ 29-ᖑᑎᓪᓗᒍ, ᑲᑎᕕᒃ ᐳᓖᓰᑦ ᐃᓱᒫᓘᑎᒋᔭᖏᓐᓂᒃ ᐅᖃᓕᒪᓂᖃᕐᑐᕕᓂᖅ ᓱᕐᕃᓯᒪᓂᕆᓚᖓᔭᖓᓂᒃ ᐊᒻᒪᓗ ᐱᓇᓱᐊᕐᓇᕆᐊᖃᓚᖓᓂᖏᓐᓂᒃ ᐱᖁᔭᕐᑎᒎᕐᑎᑕᐅᕈᓐᓀᓛᕆᐊᖓᓂᒃ ᐅᔭᕋᖅ ᓄᓇᕕᒻᒥᒃ. ᐱᖓᓱᓗᐊᖕᖑᐊᓂᒃ ᐅᖃᓕᒪᒍᑎᖃᕐᑐᕕᓃᑦ: ᐅᖑᒪᑦᓯᓂᖅ, ᖃᐅᔨᒪᑎᑦᓯᓂᖅ ᐊᒻᒪᓗ ᐃᓗᓯᕐᒧᑦ ᓱᕐᕃᒍᑎᒋᒍᓐᓇᑕᖏᓐᓄᑦ; ᓂᐅᕕᐊᑦᓴᕆᔭᐅᓂᖓᓄᑦ, ᓂᐅᕕᐊᑦᓴᓖᓪᓗ ᐃᑦᔭᑕᐅᕋᔭᕐᓂᖓᓂᒃ ᐊᒻᒪᓗ ᐊᑐᕐᕕᓭᑦ ᓇᓃᓐᓂᓴᖏᓐᓂᒃ; ᐊᑦᑕᓇᕐᑎᑕᐅᑦᑌᓕᓂᖓ. ᒪᓕᑦᓱᒍ ᑐᑭᑖᕈᑎᕕᓂᖓ ᑲᕙᒪᑐᖃᒃᑯᑦ ᐱᖁᔭᒥᒃ ᓯᖁᒥᑦᓯᓂᕋᕐᑎᑕᐅᒍᓐᓀᓂᖓ ᐊᑐᕐᓂᖃᕐᓂᒥᒃ ᐅᔭᕋᕐᒥᒃ, ᑯᐯᒃᑯᑦ ᑲᕙᒪᖓ ᓯᕗᓪᓕᐹᕆᔭᖓᓂᒃ ᓄᓇᓕᓕᒫᓂᒃ ᐊᒻᒪᓗ ᐃᓄᓕᒫᓂᒃ ᖃᐅᔨᒋᐊᕐᕕᖃᕐᑐᕕᓂᖅ ᐱᒋᐊᕐᓱᒍ ᐊᐅᒡᒍᓯ 21-ᒥᑦ ᓯᑦᑎᒻᐱᕆ 12 2017-ᒧᑦ. ᑯᐯᒃᑯᑦ ᑲᕙᒪᖓ ᓇᓗᓀᕐᓯᓂᕐᒥᔪᖅ ᓄᐃᑦᓯᓛᕆᐊᒥᓂᒃ ᐱᖁᔭᕐᒥᑦ ᑲᑎᒪᕕᒻᒪᕆᒻᒥᓂᒃ ᐅᔭᕋᐅᑉ ᒪᓕᒐᓕᐅᕐᑕᐅᓂᖓᓂᒃ ᑯᐯᒃᒥᑦ ᑕᒡᒐᓂ ᐅᑭᐊᑦᓴᒥᒃ.