ᐊᖏᓂᕐᐹᒥᒃ ᑎᒍᔨᔭᐅᓂᖅ 157 ᑯᕌᒻᓂᒃ ᑰᑮᓐᒥᒃ ᑰᑦᔪᐊᒥ
March 17, 2021
ᓇᑦᓯᐊᓕᐅᑦ(ᒫᑦᔨ) 15 2021ᖑᑎᓪᓗᒍ ᑰᑦᔪᐊᒥ, ᓄᓇᕕᒻᒥ ᐳᓖᓰᑦ ᐱᒍᑦᔨᔨᖏᑦ ᐊᒻᒪᓗ ᑯᐸᐃᒃᑯᑦ ᐳᓖᓯᖏᑦ ᑎᒍᓯᓐᓂᖁᑦ ᐊᖑᑏᓐᓂᒃ ᒪᕐᕉᓂᒃ ᐋᖓᔮᓐᓇᑐᓂᒃ ᓂᐅᕐᕈᓯᕐᓂᒧᑦ ᐱᑦᔪᑎᒋᑦᓱᒍ.
ᓂᑦ ᓯᓅᐹ, 27, ᐊᒻᒪᓗ ᓴᐃᓚᓯ ᐊᕐᓇᑐᒃ, 51, ᑕᒪᖏᒃ ᑰᑦᔪᐊᒥᐅᒃ, ᑎᒍᔭᐅᓚᐅᕐᖂᒃ ᖃᐅᔨᓴᕐᑕᐅᒌᕋᒥᒃ ᓄᓇᕕᒻᒥ ᐊᑦᔨᒌᖕᖏᑐᑦ ᖃᐅᔨᓴᕐᑎᖏᓐᓄᑦ ᑰᑦᔪᐊᒦᑦᑐᓄᑦ. ᑲᑎᑦᓱᑎᒃ, ᐳᓖᓰᑦ ᑎᒍᔨᓐᓂᖁᑦ: 157 ᑯᕌᒻᓂᒃ ᑰᑮᓐᒥᒃ 20 ᑯᕌᒻᓂᒃ ᐅᔭᕋᖅ ᐋᖓᔮᓐᓇᑐᖅ 47 ᑯᕌᒻᓂᒃ ᐅᔭᕋᖅ ᐋᖓᔮᓐᓇᑐᖅ ᐱᕈᕐᑑᓱᓂ ᐋᖓᔮᓐᓇᑐᑦ ᑎᒍᔭᕕᓃᑦ ᐊᑭᒋᒐᔭᕐᑕᖏᑦ ᓂᐅᕐᕈᑎᐅᒍᑎᑦ 60,000$ ᐅᖓᑖᓄᑦ. ᐊᖏᓂᕐᐹᖑᑎᓪᓗᒍ ᑰᑮᓐᒥᒃ ᑎᒍᔨᔭᐅᒍᑎᐅᓯᒪᓕᕐᑐᖅ ᓄᓇᕕᒻᒥ ᒫᓐᓇᒧᑦ. ᓯᓅᐹ ᐊᒻᒪᓗ ᐊᕐᓇᑐᒃ ᐊᒥᓱᓂᒃ ᐸᓯᔭᑦᓴᐅᒍᑎᑖᕐᖂᒃ ᐃᓚᐅᑎᓪᓗᒋᑦ ᑰᑮᓐᒥᒃ ᓂᐅᕐᕈᑎᖃᕋᓱᐊᕐᓂᖅ, ᑰᑮᓐᖃᕐᓂᒧᑦ, ᐅᔭᕋᖃᕐᓂᒧᑦ ᐊᒻᒪᓗ ᐅᔭᕋᕐᒥᒃ ᓂᐅᕐᕈᓯᕐᓂᒧᑦ ᐊᒻᒪᓗ ᐅᓚᐱᑦᓯᓂᕐᒥᒃ ᐳᓖᓯᓂᒃ. ᑕᒪᖏᒃ ᑎᒍᔭᐅᒪᖏᓐᓇᑑᒃ ᑎᒍᔭᐅᒪᖕᖏᑲᐃᓐᓇᓂᕐᒧᑦ ᑐᑭᑖᕐᑕᐅᖏᓐᓂᒥᓂ. ᑖᓐᓇ ᖃᐅᔨᓴᕐᑕᐅᖏᓐᓇᑐᖅ.