ᐊᐳᑎᒥᒃ(ᑰᑮᓐ) ᑎᒍᔨᔭᐅᓂᖅ ᑰᑦᔪᐊᒥ
May 27, 2021
ᒪᐃ 22ᒥ, 50 ᑯᕌᒻᔅ ᑰᑮᓐ ᐊᒻᒪᓗ $20,000 ᑮᓇᐅᔭᑐᐃᓐᓇᐃᑦ ᑎᒍᔭᐅᓐᓂᖁᑦ ᐃᑲᔪᕐᑎᒌᓄᑦ ᓄᓇᕕᒻᒥ ᖃᐅᔨᓴᕐᑎᓄᑦ ᑰᑦᔪᐊᒥ.
ᖃᐅᔨᓴᕐᑏᑦ, ᑯᐸᐃᒃᑯᑦ ᐳᓖᓯᖏᓐᓂᒃ ᐊᒻᒪᓗ ᓄᓇᕕᒻᒥ ᐳᓖᓰᑦ ᐱᒍᑦᔨᔨᖏᓐᓂᒃ ᐃᓚᓖᑦ, ᐱᖓᓱᓂᒃ ᕿᓂᕐᓂᖃᕐᓂᖁᑦ ᐋᖓᔮᓐᓇᑐᓂᒃ ᓂᐅᕐᕈᓯᕐᓂᒨᓕᖓᔪᓄᑦ ᑰᑦᔪᐊᑉ ᓄᓇᓕᖓᓂ ᒪᐃ 22ᒥ. ᒪᕐᕉᒃ ᐃᓪᓘᒃ ᑲᒪᒋᔭᐅᓗᐊᖕᖑᐊᓂᕐᖂᒃ, ᑕᐃᑲᓂ ᖃᐅᔨᓴᕐᑏᑦ ᕿᓂᕐᑐᕕᓃᑦ ᐃᓪᓘᓂᒃ ᒪᕐᕉᓂᒃ ᐊᒻᒪᓗ ᓄᓇᒃᑰᔫᒥᒃ. ᕿᓂᕇᕐᓯᒪᓕᕋᒥᒃ, ᑎᒍᔨᓐᓂᖁᑦ 50 ᑯᕌᒻᔅᒐᓚᓐᓂᒃ ᑰᑮᓐᒥᒃ, ᐃᑭᑦᑐᓂᒃ ᑯᕌᒻᔅᓂᒃ ᐅᔭᕋᕐᓂᒃ ᓱᐴᕐᑐᒐᕐᓂᒃ ᐊᒻᒪᓗ $20,000ᑲᓴᓐᓂᒃ ᑮᓇᐅᔭᑐᐃᓐᓇᓂᒃ. ᐱᖓᓱᑦ ᐃᓄᐃᑦ ᑎᒍᔭᐅᓐᓂᖁᑦ ᐊᐱᕐᓱᑕᐅᑦᓱᑎᓪᓗ. ᑎᒍᓯᓂᐅᑉ ᐊᓪᓚᑕᐅᓂᖓ ᑐᓂᔭᐅᓚᖓᔪᖅ ᑯᐸᐃᒃᒥ ᑐᕐᖃᑕᐃᔨᒧᑦ (ᑎᐱᓯᐱ) ᐸᓯᔭᐅᒍᑏᓪᓗ ᐊᓪᓚᓯᒪᔪᒃᑯᕕᒻᒨᑕᐅᓗᑎᒃ ᑭᖑᓂᖓᒍᑦ.