ᑳᓇᑕᒥ ᓯᑦᔭᒥ ᐃᑉᐱᒍᓱᑦᑏᑦ ᕿᓂᕐᑐᖅ ᐱᓇᓱᐊᕐᑐᓴᓂᒃ ᐊᐅᔭᐅᓂᖓᓂ ᐃᓕᓵᓂᒃ ᐳᕐᑐᓂᕐᓴᓂᒃ ᐊᓂᒍᐃᓯᒪᔪᓂᒃ
2019-ᒥ, ᐃᓄᐃᑦ ᐃᓕᓵᑦ ᐳᕐᑐᓂᕐᓴᓂᒃ ᐊᓂᒍᐃᓯᒪᔪᑦ ᒪᓂᔨᓯᒪᔨᐅᒍᓐᓇᖃᑦᑕᓛᕐᑐᑦ ᐊᓯᐅᒪᔪᕐᓯᐅᓂᕐᓂᒃ ᐊᒻᒪᓗ ᐃᓅᓕᑦᓯᒐᓱᐊᕐᓂᓂᒃ ᑭᒡᒐᑐᕐᓂᒥᓂᒃ ᐊᒻᒪᓗ ᐊᑑᑎᖃᑦᓯᐊᑐᓂᒃ ᐱᔪᓐᓇᓯᐊᕈᑎᑖᓚᕿᓗᑎᒃ ᐃᓕᓴᕐᑕᐅᓗᑎᒃ ᐊᒻᒪᓗ ᐊᔪᕆᓴᕐᑕᐅᓗᑎᒃ ᐅᑭᐅᕐᑕᑐᒥ.
ᑖᒃᑯᓄᖓ ᐱᓇᓱᒐᑦᓴᓄᑦ ᐃᓕᒍᒪᔪᑦ ᐃᓕᓴᕐᑕᐅᓂᓕᒫᖏᑦ ᐊᒻᒪᓗ ᐊᐅᓚᒍᑎᓕᒫᖏᑦ ᐊᑭᓕᕐᑕᐅᖃᑦᑕᓛᕐᑐᑦ ᓯᑦᔭᒥ ᐃᑉᐱᒍᓱᑦᑎᓄᑦ. ᐃᓕᓐᓂᐊᓂᖅ ᐱᒋᐊᓛᕐᑎᓗᒍ ᐁᐸᔭᓕ 2019-ᒥ, ᐊᒻᒪᓗ ᐊᓯᐅᒪᔪᕐᓯᐅᓃᑦ ᐃᓅᓕᑦᓯᒐᓱᐊᕐᓂᓄᓪᓗ ᑭᒡᒐᑐᕐᓃᑦ, ᒣᒥᑦ ᓯᑉᑎᒻᐱᕆᒧᑦ 2019-ᒥ. ᑮᓇᐅᑦᔭᓴᓛᕐᑐᑦ $25,91 ᐃᑲᐅᕐᓂᑕᒫᑦ ᓯᓂᐊᓃᑦᑐᓂᒃ (ᐃᓚᔭᐅᑐᐃᓐᓇᕆᐊᖃᓛᕐᓱᑎᓪᓗ ᐱᓪᓗᖁᑎᓂᒃ ᓄᓇᓂ ᐅᖓᓯᑦᑐᒦᓐᓂᒥᓄᑦ), ᑐᖕᖓᕕᐅᑎᓪᓗᒋᑦ ᐊᑦᔨᒌᖕᖏᑐᑦ ᐆᑦᑑᑎᒋᓗᒋᑦ ᓇᓂ ᐱᓇᓱᐊᕐᓂᖏᑦ. ᐃᓕᓵᑦ ᐱᓇᓱᑦᑎᑕᐅᔪᑦ ᐱᓇᓱᐊᖃᑦᑕᓛᕐᑐᑦ ᑕᐅᕐᓯᑕᕐᓗᑎᒃ, ᐱᓇᓱᐊᖃᑦᑕᓗᑎᒃ 14-ᓂ ᐅᓪᓗᓂ ᐊᒻᒪᓗ ᕿᑲᓯᒻᒥᓗᑎᒃ 14-ᓂ ᐅᓪᓗᓂ. ᑭᓇᒃᑯᑦ ᐃᓕᒐᓱᐊᕈᓐᓇᒪᖔᑕ ᐱᓇᓱᒐᑦᓭᑦ ᐅᒃᑯᐃᖔᓛᕐᑐᑦ ᐃᓄᓐᓄᑦ ᐳᕐᑐᓂᕐᓭᑦ ᐅᖓᑖᓄᑦ ᐃᓕᓴᕆᐊᓛᕐᑐᓄᑦ ᐅᕝᕙᓘᓐᓃᑦ ᐳᕐᑐᓂᕐᓭᑦ ᐅᖓᑖᓅᕐᑐᓂᒃ ᐃᓕᓴᕆᐊᕐᕕᖃᓛᕐᑐᓄᑦ 2019 ᐅᑭᐊᖓᓂ. ᐃᓕᓵᑦ ᑲᔪᓯᓂᖃᕈᓐᓇᖃᑦᑕᓛᕐᑐᑦ ᐊᐅᔭᐅᓕᕐᐸᑦ ᐱᓇᓱᐊᕈᓐᓇᖃᑦᑕᓗᑎᒃ ᐊᕐᕌᒎᓐᓂ ᒪᕐᕉᓂ ᐃᓕᓴᕐᓂᒥᓂᒃ ᐱᔭᕇᕐᓯᒪᓕᕐᓗᑎᒃ. ᖃᖓ ᐃᓕᒐᓱᐊᕈᓐᓇᕕᒃ ᐅᒃᑯᐊᓛᕐᒪᖔᑦ ᐃᓕᒐᓱᐊᕈᓐᓇᓛᕐᑐᑦ ᓅᕕᒻᐱᕆ 30, 2018 ᑎᑭᓪᓗᒍ, ᑌᒣᑦᑐᓂᒃ ᐱᕕᑦᓴᖃᕐᑎᑕᐅᒍᒪᔪᓄᑦ. ᖃᓄᖅ ᐃᓕᒐᓱᐊᕈᓐᓇᒪᖔᑕ ᐱᖓᓱᐃᒍᕗᑦ ᐃᓕᒐᓱᐊᕈᓐᓇᐅᑏᑦ ᐱᓇᓱᒐᑦᓴᓄᑦ: ᖃᕆᑕᐅᔭᒃᑯᑦ https://www.jobs.gc.ca ᐱᓇᓱᒐᐅᑉ ᐊᑎᖓ: ᐃᒪᕐᐱᒥ ᐊᓯᐅᒪᔪᕐᓯᐅᓂᕐᓄᑦ ᐊᒻᒪᓗ ᐊᑦᓇᑎᑦᓯᒐᓱᐊᕐᓂᓄᑦ ᐱᓇᓱᑦᑎᓄᑦ ᐃᓚᐅᔪᑦ: ᓯᑦᔭᒥ ᐅᐃᒪᓇᕐᑐᓯᐅᑏᑦ ᐅᒥᐊᑦ ᑕᕐᕋᒥ ᑕᕐᕋᒥ ᓄᓇᓖᑦ ᕼᐊᒻᓚᒃᑯᖏᓐᓂ ᐅᕝᕙᓘᓐᓃᑦ ᐅᑯᐊ ᖃᐅᔨᑎᓗᒋᑦ: ᑳᓇᑕᒥ ᓯᑦᔭᒥ ᐃᑉᐱᒍᓱᑦᑏᑦ ᐅᑭᐅᕐᑕᑐᒥ ᐊᓯᐅᒪᔪᕐᓯᐅᓂᕐᓄᑦ ᐊᒻᒪᓗ ᐃᓅᓕᑦᓯᒐᓱᐊᕐᓂᓄᑦ ᐱᓇᓱᒐᖅ 520 Exmouth St. Sarnia, ON N7T 8B1 ᐅᖄᒍᑎᖓ: 438-993-4622 ᖃᕆᑕᐅᔭᒃᑯᑦ: DFO.CA.CCG.SARArctic-ResArctique.GCC.CA.MPO@dfo-mpo.gc.ca