ᑲᒃᑲᓛᓂᒃ ᐃᑦᓯᒎᕐᓂᒧᑦ ᐊᑦᔨᖑᐊᖁᑎᓖᑦ ᖃᐅᔨᓴᕐᑕᐅᓂᖏᑦ: ᐃᓕᒪᓇᕐᑐᑦ ᐱᖓᔪᐊ ᑎᒍᔭᐅᔪᖅ
November 23, 2020
ᓅᕕᒻᐱᕆ 22-ᒥ, ᐃᓕᒪᓇᕐᑐᖅ ᑎᒍᔭᐅᓚᐅᕐᑐᖅ ᐱᖁᑎᖃᕐᓂᒥᓄᑦ ᐊᒻᒪᓗ ᐃᕐᐹᑎᕆᓂᕐᒥᓄᑦ ᑲᒃᑲᓛᓂᒃ ᐃᑦᓯᒎᕐᓂᒧᑦ ᐊᑦᔨᖑᐊᖁᑎᓂᒃ ᐊᑯᓕᕕᒻᒥ ᖃᐅᔨᓴᕐᓂᖅ ᐊᓂᒍᕐᑎᓗᒍ.
ᐳᓖᓰᑦ ᑲᔪᓯᑎᑦᓯᓚᐅᕐᑐᖅ ᖃᐅᔨᓴᕈᓐᓇᐅᑎᒥᒃ ᐊᑯᓕᕕᒻᒥ ᐊᓇᕐᕋᕆᔭᐅᔪᒥ ᓅᕕᒻᐱᕆ 22-ᒥ ᐊᒻᒪᓗ ᑎᒍᔨᓐᓂᓱᑎᒃ ᐊᑦᔨᒌᖕᖏᑐᓂᒃ ᓱᕐᖁᐃᓯᒍᑕᐅᔪᑦᓴᓂᒃ ᑐᔫᑎᒋᑦᓱᒋᑦ ᑯᐯᑉ ᐳᓖᓯᖏᒃᑯᖏᑦᑕ Sûreté du Québec (SQ) ᕿᒥᕐᕈᓚᖓᔭᖏᓐᓂ. ᐅᓪᓗᓭᓐᓇᖅ, ᐃᓕᒪᒋᔭᖅ ᑎᒍᔭᐅᓚᐅᕐᑐᖅ ᐱᖁᑎᖃᕐᓂᒥᓄᑦ ᐊᒻᒪᓗ ᐃᕐᐹᑎᕆᖃᑦᑕᓂᕐᒥᓄᑦ ᑲᒃᑲᓛᓂᒃ ᐃᑦᓯᒎᕐᓂᒧᑦ ᐊᑦᔨᖁᑎᒥᓂᒃ. ᑎᒍᔭᐅᓚᕿᓚᐅᕐᑐᖅ ᖃᒻᒥᐅᓂᕐᐹᖅ ᓯᑕᒪᑦ ᑎᒍᔭᐅᓚᐅᔪᒻᒥᑎᓪᓗᒋᑦ ᑲᒃᑲᓛᓂᒃ ᐃᑦᓯᒎᕐᓂᒧᑦ ᐊᑦᔨᖑᐊᖁᑎᖃᕐᓂᒥᓄᑦ, ᐊᒻᒪᓗ ᑌᒣᑕᐅᓚᕿᑦᓱᑎᒃ ᐃᖏᕐᕋᑎᑦᓯᖃᑎᒌᓐᓂᖏᓐᓄᑦ ᑲᑎᕕᐅᑉ ᐳᓰᖏᑦᑕ ᐊᒻᒪᓗ ᑯᐯᑉ ᐳᓖᓯᖏᑦᑕ. ᕿᓈᔭᕈᓐᓇᐅᑏᑦ ᐊᑑᑎᑎᑕᐅᓯᒪᒻᒥᔪᑦ ᐊᒃᑑᐸᒥ ᐊᑯᓕᕕᒻᒥ, ᑰᑦᔪᐊᕌᐱᒻᒥ ᐊᒻᒪᓗ ᐅᒥᐅᔭᒥ.