ᓰᑲᔨᐊᕐᓗᓂ ᑳᓈᐲᔅᓂᒃ ᑎᒍᔨᓐᓂᓂᖅ ᑲᖏᕐᓱᐊᓗᑦᔪᐊᒥ
ᐊᓪᓕᕇᕐᑐᓂ, ᐁᐸᔭᓕ 27-ᒥ ᐳᓖᓰᑦ ᐃᓄᓐᓄᑦ ᑐᓴᕐᑎᑕᐅᓚᐅᕐᑐᑦ ᐊᓪᓚᓯᒪᔪᕐᓂᐊᕕᒃᑯᑦ ᑎᑭᓐᓂᕋᕐᑕᐅᔪᓂᒃ ᐱᖁᔭᕐᓂᒃ ᓯᖁᒥᑦᓯᒍᑕᐅᔪᓂᒃ ᐴᕐᓯᒪᔪᓂᒃ. ᐳᓖᓰᑦ ᕿᒥᕐᕈᕇᕐᓱᑎᒃ ᐴᕐᓯᒪᔪᓂᒃ ᑎᒍᓯᓚᐅᕐᑐᑦ.
ᑐᔫᑏᑦ ᐴᕐᓯᒪᔪᑦ ᐃᓗᓕᖃᓚᐅᔫᑦ 120-ᓂᒃ grams-ᓂᒃ ᑳᓈᐲᔅᓂᒃ ᓰᑲᔨᐊᕐᓗᓂᒃ, ᐱᖁᔦᑦ ᓯᖁᒥᑦᓱᒋᑦ ᓂᐅᕐᕈᑎᑦᓴᒫᒍᒋᐊᕐᑐᓂᒃ. ᒪᕐᕉᒃ ᐃᓅᒃ ᑕᒪᖏᒃ ᐱᖁᔭᕐᓂᒃ ᓯᖁᒥᑦᓯᓂᕐᒥᓄᑦ ᐸᓯᔭᑦᓴᖑᑐᐃᓐᓇᕆᐊᖃᓕᕐᑑᒃ ᓰᐊᔨᐊᕐᓗᓄᑦ ᑳᓈᐱᔅᓄᑦ ᐱᖁᔭᐅᑉ ᐊᑖᒍᑦ. ᑲᑎᕕᐅᑉ ᐳᓖᓯᖏᑦ ᐃᕐᙯᑎᑦᓯᒍᒪᔪᑦ ᓄᓇᕕᒻᒥᐅᓂᒃ ᐱᖁᔦᑦ ᓯᖁᒥᒍᓐᓀᓗᒋᑦ ᓂᐅᕕᕐᕕᓴᑑᒻᒪᑦ ᓰᑲᔨᐊᕐᓗᓂᒃ ᑳᓈᐱᔅᓂᒃ ᑯᐯᒻᒥ Société québécoise du cannabis (SQDC). ᐱᖁᔦᑦ ᓯᖁᒥᑕᐅᔪᑦ ᓂᐅᕕᕐᑐᒧᑦ ᓰᑲᔨᐊᕐᓗᒥᑦ ᑖᒃᑯᐊ ᐊᓯᖏᓐᓂᑦ ᐅᕝᕙᓘᓐᓃᑦ ᑭᓇᑐᐃᓐᓇᒥᑦ. ᑐᑭᓯᒋᐊᓪᓚᕈᒪᔪᑦ ᐱᖁᔭᖕᖑᑎᑕᐅᓯᒪᓂᖓᓄᑦ ᓰᑲᔨᐊᕐᓘᑉ, ᐅᕗᖓ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᑦᑎᓂᒃ ᐅᒃᑯᐃᓯᒍᓐᓇᑐᑦ About Cannabis . ᖃᓄᑐᐃᓐᓇᖅ ᑐᑭᓯᐅᑎᑦᓭᑦ ᐱᑦᔪᑎᒋᓗᒋᑦ ᐃᓕᒪᓇᕐᑐᓂᒃ ᐱᓇᓱᐊᕐᑐᑦ, ᐃᓚᐅᑎᓪᓗᒋᑦ ᐱᖁᔦᑦ ᓯᖁᒥᑦᓱᒋᑦ ᓂᐅᕐᕈᓭᔪᑦ ᐋᖓᔮᓐᓇᑐᓂᒃ ᐊᒻᒪᓗ ᐃᒥᐊᓗᓐᓂᒃ, ᐅᖃᕈᑎᖃᕈᓐᓇᐳᑦ Crime Stoppers-ᑯᓄᑦ ᓯᕙᓂᕐᓗᒋᑦ ᐊᑭᖃᖕᖏᑐᒧᑦ ᐅᕗᖓ: 1-800-711-1800. ᑐᑭᓯᐅᑎᑦᓴᑖᕐᑎᓯᔪᖅ ᐁᑦᑐᑕᐅᓚᕿᒍᓐᓇᑐᖅ ᐊᑭᓕᕐᑕᐅᓗᓂ $2,000 ᑎᑭᓪᓗᒋᑦ.