2019-ᒥ ᑰᑦᔪᐊᒥ ᐯᓯᑰᕐᑐᐃᑦ: ᓂᕆᖕᖑᐊᑐᑦ, ᐱᖕᖑᐊᑐᑦ ᐊᒻᒪᓗ ᐱᓂᕐᓗᑌᓕᓂᕐᒥᒃ ᐃᑉᐱᒍᓱᓕᕐᑎᑕᐅᒋᐊᕐᑐᑦ!
ᑲᑎᕕᐅᑉ ᐳᓖᓯᖏᑦ ᐊᕐᕌᒍᑕᒫᕐᓯᐅᑎᒥᒃ ᐯᓯᑰᕐᑎᓯᓚᐅᕐᑐᑦ ᑰᑦᔪᐊᒥ ᓂᕿᑦᓯᑐᓂ 14-ᒥ, ᐱᖕᖑᐊᓃᑦ ᐱᒋᐊᓚᐅᕐᑐᑦ ᕿᑎᕋᓕᒥ. ᓱᖃᑦᓯᑎᑦᓯᓂᖅ ᐱᕙᓪᓖᒋᐊᕈᑕᐅᓚᕐᑐᖅ ᑎᒥᒃᑯᑦ ᐃᙯᓕᓴᕐᑎᓯᓂᕐᒥᒃ ᐊᒻᒪᓗ ᐃᑉᐱᒍᓱᓕᕐᑎᓯᒋᐊᕈᑕᐅᑦᓱᓂ ᐊᕐᖁᑎᒥ ᐱᓂᕐᓗᐊᕿᑦᑌᓕᓂᕐᒥᒃ.
ᐊᓕᐊᖕᖑᐊᓇᕐᓯᓚᐅᕐᑐᖅ ᓄᓇᒃᑰᔫᑦ ᓄᕐᖃᖓᕕᖓᓂ ᑲᑎᑦᑕᕕᐅᑉ ᓴᓂᐊᓂ ᓂᕆᑎᑕᐅᑎᓪᓗᒋᑦ ᕼᐋᑦᑖᓂᒃ, ᐱᕈᕐᑐᕕᓂᕐᓂᒃ ᐅᐊᕈᑎᒌᓂᒃ ᐊᒻᒪᓗ ᐃᒥᕋᕐᓂᒃ. ᓱᖃᑦᓯᑎᑦᓯᓃᑦ ᐃᓚᖃᓚᐅᕐᑐᑦ ᐊᖁᑦᑎᓯᓂᕐᒥᒃ ᐃᑕᒐᒃᒧᑦ ᐃᖏᕐᕋᑎᑕᐅᓲᒥᒃ ᐊᑐᕐᓱᑎᒃ ᐃᒡᒑᓘᓐᓂᒃ ᑕᑯᑦᓴᐅᑎᑦᓯᒍᓐᓇᑑᓐᓂᒃ ᐋᖓᔮᑦᓱᑎᒃ ᐊᖁᑦᑑᔮᕐᓇᑑᓐᓂᒃ. ᑮᓇᐅᔭᖃᕐᑎᓯᔪᑦ ᐊᒻᒪᓗ ᐱᓇᓱᐊᖃᑎᒌᑦ ᐃᓕᔨᓯᒪᓚᐅᕐᑐᑦ ᐊᒥᓱᓂᒃ ᓵᓚᖃᐅᑎᑦᓴᓂᒃ, ᐃᓚᐅᑎᓪᓗᒋᑦ ᓄᑖᑦᓯᐊᑦ ᐯᓯᑯᐃᑦ, ᓂᐊᕐᖁᐊᕇᒃᑯᑏᑦ, ᐯᓯᑯᐃᑦ ᐸᓓᕐᓯᒪᒍᑎᖏᑦ ᐊᒻᒪᓗ ᐳᑦᑕᐅᑏᑦ. ᕼᐋᑦᑖᓕᐅᓯᒍᑦᓯ, ᑕᑭᑦᑐᑳᖃᕆᐊᓕᒃ ᐊᒻᒪᓗ ᓂᐊᖂᔭᑲᓪᓚᓂᒃ; ᐯᓯᑰᓚᖓᒍᑦᓯ, ᐯᓯᑰᖃᕆᐊᖃᕐᑐᓯ ᐊᒻᒪᓗ ᓂᐊᕐᖁᐊᕇᒃᑯᑎᒥᒃ, ᓚᓚᐅᕐᑐᖅ ᑲᑎᕕᐅᑉ ᐳᓖᓯᖏᑦᑕ ᓯᕗᓕᕐᑎᖓ ᓵᓐ ᓛᖕᓯᑐᔩᑦ ᐊᖓᔪᑦᓯᖅ. ᐯᓯᑰᓕᕈᑦᓯ ᑌᒪᖕᖓᑦ ᓂᐊᕐᖁᐊᕇᒃᑯᓯᔭᕆᐊᖃᕐᑐᓯ. ᐊᓄᕆᒐᓗᐊᕐᑎᓗᒍ ᐊᒻᒪᓗ ᓯᓚᓗᑦᓱᓂ, ᐊᒥᓱᑦ ᑲᒃᑲᓛᑦ ᐃᓚᐅᓚᐅᕐᑐᑦ ᐅᒃᑯᐊᑕᐅᓂᖃᕐᑎᓗᒍ ᓱᖃᑦᓯᑎᑦᓯᖅ: ᑰᑦᔪᐊᑉ ᐊᕐᖁᑎᖏᑎᒍᑦ ᐯᓯᑰᕐᓱᑎᒃ. ᐊᑦᔨᒌᖕᖏᑐᑦ ᑮᓇᐅᔭᖃᕐᑎᓯᔪᑦ ᐊᒻᒪᓗ ᐱᓇᓱᐊᖃᑕᐅᔪᑦ 2018-ᒥ ᐯᓯᑰᕐᓂᒥᒃ: ᓄᓇᕕᒻᒥ ᐃᓗᓯᓕᕆᔨᒃᑯᑦ ᑲᑎᒪᔨᖏᑦ, ᐃᓄᐃᑦ ᑎᒻᒥᔫᖏᑦ, ᕘᔅ ᐃᐊ, Laval Fortin Adams, ᑰᑦᔪᐊᑉ ᑲᕙᒫᐱᖓ, ᐅᖓᓗᒃ, ᓄᓇᕕᒻᒥ ᓄᓇᒥᒃ ᑎᒍᒥᐊᕐᑎᑯᑦ, ᑰᑦᔪᐊᒥᐅᑦ Inc, ᓄᓇ ᐸᑦᑖᐱᒻᒥᒃ ᓄᓇᒥ ᐊᓇᐅᓪᓚᑏᑦ, ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᓄᑦ ᐊᓪᓚᕕᒻᒪᕆᒃ, ᓄᓇᕕᒃ ᑐᓴᐅᒪᐅᑎᓕᕆᕕᒃ, Sûreté du Québec, ᑏᕕ ᓂᐅᕕᕐᕕᒃ ᑕᑯᒥᓇᕐᑐᓂᒃ, ᓂᐅᕕᕐᕕᒃ ᓄᐊᔭᓐ, ᐃᒡᓗᕕᒐᖅ ᓯᓂᑦᑕᕕᒃ, Auberge ᑰᑦᔪᐊᒥ ᓯᓂᑦᑕᕕᒃ, Fine Woods (ᐹᑦ ᔪᐊᒃ), ᓄᓇᕕᒻᒥ ᐆᒪᔪᐃᑦ ᐅᖑᒪᔭᐅᓂᖏᓐᓄᑦ ᐊᓪᓚᕕᒃ, CIBC ᑮᓇᐅᔭᒃᑯᕕᒃ, ᓰᐲᓰ, ᑲᑎᕕᒃ ᐃᓕᓴᕐᓂᓕᕆᓂᖅ ᐊᒻᒪᓗ ᓂᐅᕕᕐᕕᒃ/ᑐᓪᓕᒃ.