ᓴᓪᓗᓂ, ᓄᓇᕕᐅᑉ ᐳᓖᓯᖁᑎᖏᑦ ᐊᔫᑦᑕᑎᑦᓯᓂᖃᓚᐅᕐᖁᑦ ᐃᓕᓐᓂᐊᑎᓂᒃ
March 16, 2023
ᒫᔾᔨ 8-ᒥᑦ 9-ᒧᑦ 2023, ᓴᓪᓗᓂ ᓄᓇᕕᒻᒥ ᐳᓖᓯᖁᑎᖏᑦ ᐊᔫᑦᑕᑎᓯᓂᖃᓚᐅᕐᖁᑦ ᐃᓕᓐᓂᐊᑎᓂᒃ ᐃᑯᓯᐅᑉ ᐳᕐᑐᓂᕐᓭ ᐃᓕᓐᓂᐊᕕᖓᓂᒃ ᐱᓯᒪᔪᓂᒃ. ᓯᕗᓕᕐᑕᐅᓱᓂ ᐳᓖᓯ ᒍᐃᓕᐊᒻ ᓯᒪᔅ, ᑖᓐᓇ ᐱᖕᖑᐊᓂᐅᓚᐅᕐᑐᖅ ᑲᑎᑎᑦᓯᓚᐅᕐᖁᖅ 30-ᓂ ᐃᓕᓐᓂᐊᑎᓂᒃ ᐳᕐᑐᓂᕐᓴᓃᑦᑐᓂᒃ 3-ᒥᑦ 5-ᒧᑦ. ᐱᖕᖑᐊᑎᓪᓗᒋᑦ, ᐸᕐᓀᑏᑦ ᐁᑦᑐᑐᐃᓚᐅᕐᑐᐃᑦ ᐱᖕᖑᐊᑎᓄᑦ ᑮᓇᐅᔭᕐᑐᓯᒪᔪᓂᒃ $5000-ᕌᕐᑐᔭᓂᒃ ᐊᔫᑦᑕᕈᑏᑦ ᐱᐅᒡᒍᑎᖏᓐᓂᒃ. ᐃᓱᓕᒻᒪᑦ ᐊᔫᑦᑕᓂᖅ, ᓵᓚᓖᑦ ᓵᓚᖃᓚᐅᕐᖁᑦ $1000-ᓂᒃ ᑐᖓᓖᓪᓗ ᐱᑦᓯᐊᓂᕐᐹᕕᓃᑦ, $600-ᓂᒃ. ᑖᓐᓇ ᐱᖕᖑᐊᓂᐅᓚᐅᕐᑐᖅ ᐱᕕᖃᕐᑎᑕᐅᓚᐅᕐᑐᖅ ᓇᑯᕐᒦᒃ ᑐᓂᓯᖃᑦᑕᓚᐅᕐᑐᑦ ᐃᑲᔪᕐᓯᓱᑎᓪᓗ ᐱᓇᓱᐊᖃᑎᑦᑎᓂᒃ: ᑯᐊᐸᒃᑯ, ᓄᐊᓴᓐ ᓂᐅᕕᕐᕖᑦ, ᓴᓪᓗᒥᐅᓪᓗ ᓯᐊᕐᕆᔭᕐᕕᖓᓂ ᐱᓇᓱᑦᑏᑦ. ᓇᑯᕐᒦᒪᕆᐊᓗᒃ ᐃᓗᓐᓇᑎᒃ.