ᓄᓇᕕᒻᒥ ᐳᓖᓰᑦ ᐊᖓᔪᕐᖄᖓ, ᔮ-ᐱᐊᕐ ᓚᕉᔅ ᐃᓕᑕᕆᔭᐅᓂᕐᒧᑦ ᓇᓪᓕᐅᓂᕐᓯᐅᕈᑎ ᐴᓖᓰᑦ Order of Merit ᐃᓕᑕᕆᔭᐅᒍᑎᖓᓂᒃ ᐅᔭᒥᑦᑖᑎᑕᐅᓂᕐᒧᑦ ᐊᖓᔪᕐᖄᔪᐊᑉ ᑭᒡᒐᑐᕐᑎᖓᓄᑦ ᐱᐅᒻᒪᕆᑦᑐᒧᑦ ᒪᓕᒐᓕᐅᕐᑎᒧᑦ ᒥᐊᔨ ᓴᐃᒪᓐᒧᑦ ᐊᖓᔪᕐᖄᔪᐊᑉ ᑭᒡᒐᑐᕐᑎᖓᓄᑦ
ᓂᕿᑦᓯᕕᒻᒥ ᐊᐃᕆᓕ 14, 2023-ᖑᑎᓪᓗᒍ, ᕿᐅᓪᑕ ᓯᓅᐹᓪ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑐᑭᒧᐊᑦᑎᓯᔨᖓ, ᒪᓕᓐᓂᖁᖅ ᐊᖓᔪᕐᑳᒥᒃ ᓚᕉᔅᒥᒃ ᐃᓕᑕᕆᔭᐅᓂᕐᒧᑦ ᓇᓪᓕᐅᓂᕐᓯᐅᑎᓪᓗᒋᑦ ᐳᓖᓰᑦ ᐃᓕᑕᕆᔭᐅᒍᑎᑖᕐᑎᑕᐅᓂᖏᓐᓄᑦ Order of Merit-ᒥᒃ ᕆᑑ ᖄᓪᒥ, ᐋᑐᒑᒥ.
ᐱᒋᐊᕐᑎᑕᕕᓂᖅ ᐆᒃᑑᐱᕆ 2000-ᒥ, ᐳᓖᓰᑦ ᐃᓕᑕᕆᔭᐅᒍᑎᖓ Order of Merit ᐅᐱᒍᓱᒍᑎᐅᓲᖑᕗᖅ ᓯᕗᓕᕐᑎᐅᓂᕐᒧᑦ ᐊᒻᒪᓗ ᐱᒍᑦᔨᓯᐊᒻᒪᕆᓐᓂᒧᑦ ᐅᕝᕙᓘᓐᓃᑦ ᐊᑦᔨᐅᖏᑦᑐᒥᒃ ᐱᑎᑕᐅᒋᐊᖃᕐᓂᓂᒃ ᓄᐃᑕᑎᑕᓄᑦ ᐊᖑᑎᓄᑦ ᐊᕐᓇᓄᓪᓗ ᑲᓇᑕᒥ ᐳᓖᓯᐅᓂᒃᑯᑦ ᐱᒍᑦᔨᓂᖏᒍᑦ, ᐊᒻᒪᓗ ᐃᓕᑕᕐᓯᓱᓂ ᑐᓂᒪᓂᖏᓐᓂᒃ ᑲᓇᑕᒧᑦ. ᐃᑉᐱᒋᔭᐅᓗᐊᖕᖑᐊᑐᖅ ᐱᒋᐊᖃᓪᓚᕆᓐᓂᖏᑦ, ᐃᑲᔪᕐᓯᓂᖏᑦ ᐳᓖᓯᐅᓂᕐᒧᑦ ᐊᒻᒪᓗ ᓄᓇᓕᒻᒥᒃ ᐱᕙᓪᓕᐊᑎᑦᓯᓂᕐᒧᑦ.
“2018-ᒥ ᐊᖓᔪᕐᖄᕈᓕᕐᓂᕋᒥᓂᑦ, ᓄᓇᕕᒻᒥ ᐳᓖᓰᑦ (ᐃᓐᐱᐃᔅ) ᓄᑖᒧᑦ ᐱᕈᕐᐸᓕᐊᓂᕐᒨᓯᒪᓕᕐᖁᖅ. ᓯᕗᓕᕐᑕᐅᓱᑎᑦ ᐊᖓᔪᕐᖄᖅ ᓚᕉᔅ ᐊᑖᒍᑦ, ᐃᓐᐲᐃᔅ (NPS) ᐱᓇᓱᖃᑎᖃᕐᓯᒪᓕᕐᖁᖅ ᑫᐋᔩᒥᒃ ᓄᐃᑦᓯᒐᓱᑦᓱᑎᒃ ᓄᑖᖑᓂᕐᓴᓂᒃ ᐋᕐᕿᒋᐊᕈᑎᑦᓴᓂᒃ ᐃᓂᓕᒫᓂ ᐃᓄᓐᓂᒃ ᐊᑦᑕᓇᕐᑐᒦᑦᑎᓯᑦᑕᐃᓕᒍᑎᑦᓴᓂᒃ. ᐱᕙᓪᓕᐊᔭᐅᓂᖓ ᓄᑖᑉ ᐅᖄᓚᕕᐅᕕᑦᑕ, ᐅᐃᒪᓇᕐᑐᓂᒃ ᐱᒍᑦᔨᓂᕗᑦ ᑭᐅᒍᓐᓇᓕᕐᖁᖅ ᐱᓂᕐᓗᓂᕐᓂᒃ ᓱᑲᓐᓂᓴᒥᒃ ᓄᐃᓕᕐᓂᕋᒥᓂᑦ. ᑖᓐᓇ ᐊᑕᐅᓯᐅᑦᓱᓂ ᐆᑦᑑᑎᑐᐃᓐᓇᖅ ᐊᖓᔪᕐᖄᑉ ᓚᕉᔅ ᓯᕗᓂᕐᒧᑦ ᑕᑯᓐᓇᑕᖏᓐᓄᑦ.” ᕿᐅᓪᑕ ᓯᓅᐹᓪ - ᑐᑭᒧᐊᑦᑎᓯᔨ, ᑲᑎᕕᒃ ᓄᓇᓕᓕᒫᑦ
Photo credit: Sgt Mathieu St-Amour, Rideau Hall