ᐳᓖᓰᑦ ᐱᓇᓱᑦᑕᕕᓂᖏᑦ ᐃᓄᒃᔪᐊᒥ ᐊᒻᒪᓗ ᐊᑯᓕᕕᒻᒥ

ᐊᐅᒡᒍᔅᑎᐅᑉ ᐃᓱᐊᓂᒃ ᐱᒋᐊᕐᓱᒍ, ᓄᓇᕕᒻᒥ ᐃᑲᔪᕐᑎᒌᑦ ᑭᓪᓕᓯᓂᐊᕐᑏᑦ ᑲᔪᓯᑎᑦᓯᓯᒪᔪᑦ ᐊᒥᓱᐃᓂᒃ ᐱᓐᓂᐊᕈᑎᓂᒃ ᐊᔭᔮᓐᓇᑐᓄᑦ ᐊᒻᒪᓗ ᐃᒥᐊᓗᓐᓄᑦ ᑎᕐᓕᐊᓯᑦᓱᑎᒃ ᑎᑭᑎᑦᓯᔨᓂᒃ ᐃᓄᒃᔪᐊᒥ ᐊᒻᒪᓗ ᐊᑯᓕᕕᒻᒥ.

ᐃᓄᒃᔪᐊᒥ, NPS-ᑯᑦ ᐳᓕᓯᖏᑦ ᑎᒍᔨᓐᓂᖃᑦᑕᓚᐅᔪᔪᑦ ᑎᕐᓕᐊᓯᒍᑎᓂᒃ ᐃᒥᐊᓗᓐᓂᒃ ᐊᐅᒡᒍᔅᑎ 25-ᒥᒃ ᓯᑉᑎᒻᐱᕆ 1-ᒧᑦ. ᑖᒃᑯᐊ ᐱᓇᓱᐊᕈᑏᑦ NPS ᐳᓖᓯᖏᓐᓂᒃ ᑎᒍᓯᒍᓐᓇᑎᑦᓯᓚᐅᔪᔪᑦ 13-ᓂᒃ ᐃᑦᓯᕕᓐᓂᒃ ᐊᑭᖃᕐᑐᕆᔭᐅᔪᓂᒃ $30,0000 ᒥᑦᓵᓂ. ᐳᓖᓰᑦ ᐸᕐᓇᓀᕐᓯᖃᑦᑕᓚᐅᔪᔪᑦ ᐊᒥᓱᒐᓚᓐᓂᒃ ᐸᓯᔭᒥᓂᒃ ᑖᒃᑯᓂᖓ ᐃᑎᕐᕕᖃᕈᑎᓂᒃ ᐊᑐᕐᓱᑎᒃ.

ᐊᑯᓕᕕᒻᒥ, ᓄᓇᕕᒻᒥ ᐃᑲᔪᕐᑎᒌᑦ ᑭᓪᓕᓯᓂᐊᕐᑏᑦ ᑲᔪᓯᒍᑎᖃᓚᐅᔪᔪᑦ ᐋᖓᔮᓐᓇᑐᓂᒃ ᐃᒥᐊᓗᓐᓂᓗ ᕿᓂᕈᑎᒥᒃ ᓯᑉᑎᒻᐱᕆ 1-ᒥ. ᑕᒪᓐᓇ ᐱᓇᓱᐊᕈᑎ ᑭᓪᓕᓯᓂᐊᕐᑎᓄᑦ ᑎᒍᓯᒍᑕᐅᓚᐅᔪᔪᖅ 5.74 g-ᓂᒃ ᑲᓇᐱᔅ ᐅᕐᓱᖏᓐᓂᒃ, 60.49g-ᓂᒃ ᖃᓰᔅᓂᒃ, 72.04g-ᓂᒃ ᑲᓇᐱᔅᓂᒃ ᓯᖃᓪᓕᒣᑦᑐᓂᒃ, 7 × 1.75 L-ᓂᒃ ᕚᑦᑲᖃᐅᑎᓂᒃ ᐳᓪᓚᐅᔭᓂᒃ, ᐊᒻᒪᓗ ᐊᖓᔮᓐᓇᑐᓂᒃ ᑲᒪᒍᑎᒐᓚᓐᓂᒃ. ᐳᓖᓰᑦ ᑎᒍᓯᓚᐅᔪᒻᒥᔪᑦ $10,725-ᓂᒃ ᑮᓇᐅᔭᓂᒃ ᑳᓇᑕᐅᑉ ᑮᓇᐅᔭᑦᓴᔭᖏᓐᓂᒃ.  ᑕᒪᑐᒪ ᑲᒪᒍᑕᐅᓂᖓ ᐋᑕᐅᓚᖓᔪᖅ DPCP-ᑯᑦ (ᑐᑭᒧᐊᑦᑎᓯᔨ ᐱᓗᑲᒍᑎᓂᒃ ᐊᒻᒪᓗ ᐊᓂᕐᐸᓈᕆᓂᕐᒧᑦ ᐃᕐᖃᑐᐃᓂᕐᒥᒃ) ᐱᓐᓂᐊᑎᖓᓄᑦ ᓇᓗᓀᕐᓯᓂᐊᕐᒪᑦ ᓱᓕᒋᐊᓪᓚᒃ ᓵᑦᓯᒍᑏᑦ ᓄᐃᑕᐅᓂᐊᕐᒪᖔᑕ.

ᖃᐅᔨᒪᒍᑦᓯ ᐋᖓᔮᓐᓇᑐᐃᑦ ᐃᒥᐊᓗᐃᓪᓘᓃᑦ ᓂᐅᕐᕈᑕᐅᓂᖓᓂᒃ, ᖃᐅᔨᑎᑦᓯᒍᓐᓇᖁᓯ ᓄᓇᕕᒻᒥ ᐳᓖᓯᓂᒃ ᑭᓇᐅᒻᒪᖔᑦᓯ ᐅᖃᕈᓐᓀᓗᓯ ᖃᕆᑕᐅᔭᒃᑯᑦ ᐊᓪᓚᓗᓯ ᐅᕗᖓ tips@nunavikpolice.ca.