ᒪᓐᑐᔨᐊᓪ ᐳᓖᓯᖏᑦ (SPVM) ᐊᒻᒪᓗ ᓄᓇᕕᒻᒥ ᐳᓘᓯᒃᑯᑦ ᐱᒍᑦᔨᔨᖏᑦ ᖃᐅᔨᑎᑦᓯᕗᑦ ᑲᔪᓯᑎᑦᓯᓂᐊᕐᓂᒥᓂᒃ ᑲᑐᑦᔨᔪᓂᒃ ᑕᑯᓂᐊᑲᑦᑕᑎᓂᒃ ᒪᓐᑐᔨᐊᓪᒥ
ᒪᓐᑐᔨᐊᓪ, ᓯᑉᑎᒻᐱᕆ 20, 2024 – ᑐᓴᕋᑦᓴᓂᐊᕐᑏᑦ ᙯᖁᔭᐅᕗᑦ ᑐᓴᕐᑎᓯᔨᓂᒃ ᑲᑎᒪᑦᓯᒍᑎᒧᑦ ᐃᓚᐅᑎᓪᓗᒋᑦ ᐋᓓᓐ ᕓᓛᓐᑰ, ᑲᒪᔨ ᐃᓄᓕᒫᑦ ᓴᑑᒪᓂᖓᓂᒃ ᐳᕐᑐᓂᕐᓴᓂ ᑲᑎᒪᔨᓂ ᒪᓐᑐᔨᐊᓪ ᐃᓪᓗᒐᓴᓕᖓᓄᑦ, ᔮᓐ-ᐱᐊ ᓚᕉᔅ, ᐊᖓᔪᕐᖄᖅ ᓄᓇᕕᒻᒥ ᐳᓖᓯᒃᑯᑦ ᐱᒍᑦᔨᔨᖏᓐᓄᑦ (NPS), ᓯᐊᑦᕆᒃ ᑯᑐᐊ, ᑐᑭᒧᐊᑦᑎᓯᔨᒧᑦ ᐃᑲᔪᕐᑎ ᐊᒻᒪᓗ ᐊᖓᔪᕐᖄᖅ ᓄᓇᓕᓐᓂ ᐱᒍᑦᔨᒍᑎᓂᒃ ᐱᓇᓱᕝᕕᒧᑦ ᐳᓖᓯᒃᑯᑦ ᐱᒍᑦᔨᔨᖏᓐᓂ ᒪᓐᑐᔨᐊᓪ ᐃᓪᓗᒐᓴᓕᖓᓂ (SPVM), ᐊᒻᒪᓗ ᕿᓪᑕ ᓯᓅᐹᓪ, ᐃᑦᓯᕙᐅᑕᖅ ᑲᑎᕕᒃ ᓄᓇᓕᓕᒫᖓᓄᑦ (KRG), ᖃᐅᔨᑎᑦᓯᓕᕐᐸᑕ ᑲᑐᑦᔨᔪᑦ ᑕᑯᓂᐊᑲᑦᑕᓂᖓᑕ ᑲᔪᓯᑎᑕᐅᓛᕐᓂᖓᓂᒃ SPVM-ᑯᑦ ᐊᒻᒪᓗ NPS-ᑯᑦ ᐳᓖᓯᖏᓐᓄᑦ. ᓇᓪᓕᐅᑎᖃᑦᑕᓚᐅᔪᔪᑦ ᑕᕐᖀᑦ ᐊᒥᓱᒐᓚᐅᓕᕐᑐᑦ ᑭᖑᓂᕐᒥ ᑯᐯᒃ ᑕᕐᕋᖓᓂ (ᓄᓇᕕᒃ) ᐃᑉᐱᓇᕐᐸᓕᕐᒪᑕ ᐃᓄᓐᓄᑦ ᓄᓇᓯᒪᔪᓄᑦ ᐅᕝᕙᓗᓘᓐᓃᑦ ᐃᓐᓂᐊᓯᒪᔪᓄᑦ ᒪᓐᑐᔨᐊᓪᒥ. ᑕᒪᑐᒪ ᐱᒋᐊᕐᑎᑕᐅᓂᖓ ᑐᕌᖓᕗᖅ ᐃᓱᒫᓗᐃᕐᑎᓯᒋᐊᕐᓂᒧᑦ ᐃᓄᓐᓂᒃ ᐊᒻᒪᓗ ᓂᑲᓀᓪᓕᑎᕆᓂᕐᒧᑦ ᐃᑉᐱᒍᓱᓐᓂᖓᓂᒃ ᐊᑦᑕᓇᕐᑐᒦᖕᖏᓂᕐᒥᒃ ᐊᒻᒪᓗ ᓴᑑᒪᑦᓯᐊᓂᕐᒥᒃ.
ᑐᓴᕐᑎᓯᔨᓂᒃ ᖃᐅᔨᑎᑦᓯᒌᕈᑎᒃ, ᐅᖃᕐᑎᖏᑦ ᐊᑐᐃᓐᓇᐅᓛᕐᑐᑦ ᑐᓴᕋᑦᓴᓂᐊᕐᑏᑦ ᐊᐱᕆᐅᑎᖏᓐᓂᒃ ᑭᐅᒍᓐᓇᓗᑎᒃ.
ᐅᓪᓗᖓ: ᐊᓪᓕᕇᕐᑐᑦ ᓯᑉᑎᒻᐱᕆ 23, 2024
ᓯᕿᕐᖑᔭᖓ : 13 h 30
ᓇᔪᕐᑕᐅᓛᕐᑐᖅ: ᐊᓪᓚᕕᒻᒪᕆᒃ ᓇᑎᖓᓂ ᓯᕗᓪᓕᐹᒥ, ᑐᓴᕋᑦᓴᓂᐊᕐᑎᓂᒃ ᑲᑎᓯᕕᒻᒥ 1441, rue Saint-Urbain, Montréal
ᑐᓴᕐᑎᓯᔨᓂᒃ ᑲᑎᓯᓂᖅ ᑲᔪᓯᖏᓐᓇᓗᓂ ᓄᐃᑕᓛᕐᒥᔪᖅ ᐅᕙᓂ YouTube channel of Service de police de la Ville de Montréal.