ᒪᕐᕉᓂᒃ ᐳᓖᓯᓄᑦ ᑎᒍᔭᐅᔪᖃᕐᓂᖁᖅ ᒪᓐᑐᕆᐊᓪᒥ ᖃᐅᔨᓴᕐᑐᕕᓂᐅᔪᖃᕐᑎᓗᒍ ᑲᑐᑦᔨᔪᓂᒃ

2022-04-06-ᒥ, ᐳᓖᓯᒃᑯᑦ Service de police de la ville de Montréal (SPVM)  ᑎᒍᓯᓚᐅᔪᕗᑦ Nicolas BÉRARDI-ᒥᒃ Grazioso BÉRARDI-ᒥᓪᓗ ᒪᓐᑐᕆᐊᒦᑦᑑᓂᒃ. ᑎᒍᔭᕕᓃᒃ ᑲᐅᔨᓴᖃᑦᑕᓚᐅᕐᓂᖏᓐᓄᑦ ᐳᓖᓯᒃᑯᑦ SPVM, ᐱᖁᔭᐅᑉ ᓯᓚᑖᒍᑦ ᓂᐅᕐᕈᓭᔪᓂᒃ ᐱᓇᓱᐊᕐᕕᖓ Sûreté du Québec (SQ)-ᑯᑦ, ᐊᑕᐅᑦᓯᑰᕐᓱᑎᓪᓗ ᓄᓇᕕᒻᒥ ᖃᐅᔨᓴᕐᑏᑦ (NIT), ᐃᓚᐅᑎᓪᓗᒋᑦ ᖃᐅᔨᓴᕐᑎᖏᑦ (SQ)-ᑯᑦ ᐊᒻᒪᓗ ᓄᓇᕕᒻᒥ ᐳᓖᓯᓕᕆᓂᕐᒥᒃ ᐱᒍᑦᔨᔪᑦ (NPS).

ᑎᒍᔭᕕᓂᐅᔪᖃᕐᑎᓗᒍ ᕿᓂᓯᓐᓂᕋᒥᒃ ᑎᒍᔨᓐᓂᔪᕕᓂᐅᓚᐅᔪᕗᑦ ᖁᑭᐅᑎᓂᒃ, ᐊᑦᔨᒌᖕᖏᑐᓂᓪᓗ ᐋᖓᔮᓐᓇᑐᓂᒃ (narcotics), ᐃᒥᐊᓗᒐᓴᓐᓂᓗ, ᓄᓇᕕᒻᒥᐅᓄᑦ ᓂᐅᕐᕈᑕᐅᒐᔭᕐᑐᕕᓂᕐᓂᒃ. ᖃᐅᔨᓴᕐᐸᓕᕐᓱᑎᒃ ᐊᕐᕌᒎᓐᓂ ᒪᕐᕉᓕᕐᑑᓂ ᖃᐅᔨᓐᓂᖁᑦ ᑖᒃᑯᐊ ᒪᕐᕉᒃ ᐃᒥᐊᓗᓐᓂᒃ ᐋᖓᔮᓐᓇᑐᓂᓪᓗ ᓄᓇᕕᓕᐊᕐᑐᓴᓂᒃ ᓂᐅᕕᕐᕕᐅᖃᑦᑕᓯᒪᒋᐊᒋᒃ.   

ᑖᒃᑯᐊ ᒪᕐᕉᒃ ᐃᕐᖃᑐᕐᑕᐅᓂᕐᖂᒃ 2022-04-06-ᒥ ᑎᒍᔭᐅᒪᔪᕕᓂᐅᑦᓱᑎᓪᓗ ᓱᓕ, ᐊᒥᓱᓂᓪᓗ ᖁᑭᐅᑎᓂᒃ ᑎᒍᒥᐊᕐᓂᒥᓄᑦ ᐃᕐᖃᑐᕋᑦᓴᓕᐊᕆᔭᐅᓯᒪᑦᓱᑎᒃ. ᖃᐅᔨᓴᕐᓂᐅᓯᒪᔪᒥᒃ ᕿᒥᕐᕈᕈᑎᕕᓃᑦ ᒪᓂᒐᑦᓴᐅᓛᕐᑐᑦ Directeur des Poursuites Criminelles et Pénales (DPCP)-ᒨᕐᑕᐅᒋᐊᖃᕐᓗᑎᒃ, ᐃᕐᖃᑐᕋᑦᓴᓕᐊᕆᔭᐅᒋᐊᓪᓚᑐᐃᓐᓇᕆᐊᖃᕐᓱᑎᓪᓗ ᑖᒃᑯᐊ ᒪᕐᕉᒃ.