ᐋᖓᔮᓐᓇᑐᓂᒃ-ᐱᑦᔪᑎᓖᑦ ᕿᓂᔭᕐᓂᖏᑦ ᓴᓪᓗᓂ
![](https://www.nunavikpolice.ca/wp-content/uploads/salluit-2-e1677876941178.jpg)
ᓴᓪᓗᓂ, ᕕᕈᐊᕆ 23-ᒥ 24-ᒥᓗ, ᓄᓇᕕᒻᒥ ᐊᑕᐅᓯᐅᓕᖓᑦᓱᑎᒃ ᑭᓪᓕᓯᓂᐊᕐᑎᐅᖃᑎᒌᑦ ᑲᔪᓯᑎᑦᓯᓚᐅᔪᔪᑦ ᕿᓂᕈᑎᓂᒃ 4-ᓂ ᐊᑕᐅᓰᓄᑦ-ᐃᓚᒌᓄᑦ ᐃᓪᓗᒋᔭᐅᔪᓂ ᐊᒻᒪᓗ ᐊᑕᐅᓯᕐᒥ ᓄᓇᒃᑰᔫᒥ ᐊᑐᕐᑕᐅᓲᓂ ᓂᐅᕐᕈᓯᕐᕕᐅᓱᑎᒃ ᐋᖓᔮᓐᓇᑐᓂᒃ. ᑭᓪᓕᓯᓂᐊᕐᑏᑦ ᑯᐯᒃᑯᑦ ᐳᓕᓯᖏᓐᓂᒃ ᓄᓇᕕᐅᓪᓗ ᐳᓖᓯᖏᓐᓂᒃ ᐱᓯᒪᔪᑦ ᑎᒍᔨᓐᓂᓚᐅᕐᑐᑦ 160 ᑯᕌᒻᔅ ᐅᖓᑖᓄᑦ ᐅᖁᒣᓐᓂᓕᒻᒥᒃ ᑰᑮᓐᒥᒃ (ᓂᐅᕐᑐᒐᖅ), 500 ᑯᕉᒻᔅ ᐅᖓᑕᓄᑦ ᑳᓇᐱᔅᒥᒃ (ᓱᐴᕐᑐᒐᖅ) ᐊᒻᒪᓗ 100 ᐅᖓᑖᓄᑦ ᐄᓯᒍᑎᓂᒃ ᒥᐊᑦᐊᒻᐱᐊᑕᒥᓐᔅᓂᒃ (ᐄᕐᖃᒉᑦ). ᑕᒪᓐᓇ ᐱᓇᓱᓐᓂᖓᑦ ᑎᒍᓯᒍᑕᐅᓚᐅᕐᒥᔪᖅ $17,000 ᐅᖓᑖᓄᑦ ᑮᓇᐅᔭᑐᐃᓐᓇᓂᒃ ᐊᒻᒪᓗ ᐱᒍᑕᐅᒻᒥᓱᓂ ᐱᓇᓱᐊᕈᑎᓂᒃ ᐊᑐᕐᑕᐅᓲᓂᒃ ᐋᖓᔮᓐᓇᑐᐃᑦ ᓂᐅᕐᕈᑕᐅᓂᖓᓄᑦ. ᐊᓪᓚᖁᑎᖏᑦ ᐱᔭᕇᕐᑕᐅᓚᖓᔪᑦ ᐋᑕᐅᓗᑎᓪᓗ DPCP-ᑯᑦ (ᑐᑭᒧᐊᑦᑎᓯᔨᒻᒪᕆᒃᑯᑦ ᐱᖁᔭᓂᒃ ᓯᖁᑦᑎᕆᔪᑦ ᐊᒻᒪᓗ ᑎᒍᔭᐅᒍᑏᑦ ᐃᕐᖃᑐᐃᒍᑕᐅᓂᖏᓐᓂᒃ) ᐃᕐᖃᑐᐃᔨᖓᓄᑦ ᓇᓗᓀᕐᓯᒍᑕᐅᓗᑎᒃ ᓵᑦᓯᒍᑏᑦ ᐊᓪᓚᓅᕐᑕᐅᓂᐊᕐᒪᖔᑕ ᐊᒻᒪᓗ ᐃᕐᖃᑐᐃᕕᒻᒥ ᓄᐃᔪᖃᕆᐊᖃᕐᓂᐊᒪᖔᑦ. ᐊᑕᐅᓯᖅ ᑎᒍᔭᐅᔪᑦ ᐸᓯᑦᓱᒋᑦ ᐃᓚᖓᑦ ᓯᕗᓂᐊᒍᑦ ᕿᓂᕐᑕᐅᓕᕇᓚᐅᔪᔪᖅ ᐱᖁᔭᓂᒃ ᒪᓕᑦᑎᓯᔨᓄᑦ (ᐳᓖᓯᓄᑦ)
ᖃᐅᔨᒪᒍᕕᑦ ᐋᖓᔮᓐᓇᑐᓂᒃ ᐃᒥᐊᓗᓐᓂᓘᓐᓃᑦ ᓂᐅᕐᕈᓯᕐᑐᓂᒃ, ᖃᓄᐃᓕᒍᓐᓇᖁᑎᑦ ᓄᓇᕕᐅᑉ ᐳᓖᓯᖏᓐᓄᑦ ᑭᓇᐅᒻᒪᖔᕐᐱᑦ ᐅᖃᕈᓐᓀᓗᑎᑦ ᖃᕆᑕᐅᔭᒃᑯᒃ ᐊᓪᓚᓗᑎᑦ ᐅᕗᖓ tips@nunavikpolice.ca