ᐅᓐᓂᓗᒐᐅᑎᖃᕐᓂᖅ ᐳᓖᓯᐅᑉ ᒥᑦᓵᓄᑦ
ᓄᓇᕕᒻᒥᐅᑦ ᐳᓖᓯᖁᑎᖏᑦ ᐱᕕᓕᒫᒥᖑᑦ ᑭᒡᒐᑐᑦᓯᐊᕋᓱᐊᕐᒪᑕ ᐃᓄᓕᒫᓂᒃ ᐊᑦᔨᒌᑦᑎᓯᑦᓯᐊᕋᓱᐊᕐᓱᑎᓪᓗ ᐱᔪᓐᓇᐅᑎᖃᕐᓱᑎᒃ ᐱᓇᓱᐊᓲᒥᓂ. ᐱᓇᓱᒐᖓ ᐳᓖᓯᐅᑉ ᓄᓪᓚᖓᑎᑦᓯᔨᐅᒐᓱᐊᕐᓲᑦ, ᐃᓄᓕᒫᓅᓕᖓᔪᓂᓗ ᐃᓂᕐᑎᕆᐅᑎᖃᕈᓐᓇᓱᑎᒃ. ᑕᒐ ᐱᓇᓱᐊᕆᐊᖃᓕᕈᑎᒃ ᐱᔭᒃᓴᒥᓂᒃ, ᐳᓖᓰᑦ ᐊᖏᔪᐊᓗᒻᒥᒃ ᐱᔪᓐᓇᐅᑎᓖᑦ, ᑭᓯᐊᓂᓗ ᑎᓕᔭᐅᒪᐅᑎᖃᕐᓱᑎᒃ ᑲᔪᓯᑎᑦᓯᐊᕆᐊᓕᒻᒥᓂᒃ.
ᐱᓇᓱᐊᓕᕋᒥᒃ ᑎᓕᔭᐅᒪᐅᑎᒥᓂᒃ, ᐳᓖᓯᓕᒫᑦ ᒪᓕᓯᐊᕆᐊᓖᑦ ᒪᓕᒐᕐᓂᒃ ᐱᐅᓯᕐᓲᑎᒋᒋᐊᓕᑦᓴᔭᒥᓂᓗ. ᑯᐯᒻᒥ, ᑕᒪᒃᑯᐊ ᒪᓕᒐᖏᑦ ᐱᐅᓯᕐᓲᑎᑦᓴᔭᕆᒋᐊᓕᖏᓪᓗ ᑕᑯᔭᐅᒍᓐᓇᑐᑦ ᐅᑯᓇᓂ ᓯᓚᕐᖁᕇᒃᑯᑏᖏᑦ ᑯᐯᒃᒥ ᐳᓖᓰᑦ.
ᐳᓖᓯᒥᒃ ᓯᖁᒥᑦᓯᓯᒪᔪᕆᑦᓯᓕᕈᕕᑦ ᑎᓕᔭᐅᒪᐅᑎᒥᓂᒃ ᐱᔭᒃᓴᒥᓂᓗ ᐱᓇᓱᐊᕐᓱ ᑎᓕᔭᐅᒪᐅᑎᒥᓂᒃ, ᐅᓐᓂᓗᒐᐅᑎᓕᐅᕈᓐᓇᐳᑎᑦ ᐅᑯᓄᖓ Commissaire à la déontologie policière (police ethics commissioner) ᐳᓖᓰᑦ ᓯᓚᕐᖁᕇᒃᑯᑎᖏᓐᓂᒃ ᑎᓕᔭᐅᒪᐅᑎᓕᒃ (ᑲᒥᓯᓇ).
ᑯᐯᒃᑯᑦ ᐳᓖᓯᖏᑦᑕ ᐱᓂᐊᕐᓂᓴᔭᖏᑦ ᐃᓕᒃᑰᓯᐊᕐᑑᕗᑦ ᓄᓇᕕᒻᒥᐅᑦ ᐳᓖᓯᒃᑯᖏᓐᓂᑦ. ᐊᐅᓚᑕᐅᑦᓱᑎᒃ ᐳᓖᓰᑦ ᐱᖁᔭᒻᒪᕆᖏᓐᓄᑦ, ᓴᐳᒻᒥᔭᕋᓱᐊᕐᑎᐅᓱᑎᒃ ᓄᓇᓯᒪᔪᓂᒃ ᐱᓇᓱᐊᖃᑎᖃᓕᕈᑎᒃ ᐳᓖᓯᓂᒃ. ᓄᓇᓯᒪᔪᖅ ᐅᓐᓂᓗᒐᐅᑎᖃᓕᕈᓂ ᐳᓖᓭᑦ ᓯᓚᕐᖁᕇᒃᑯᑎᖏᓐᓂᒃ ᐳᓖᓰᑦ ᓯᓚᕐᖁᕇᒃᑯᑎᖏᓐᓂᒃ ᑎᓕᔭᐅᒪᐅᑎᓕᒃ (ᑲᒥᓯᓇᒧᑦ). NPS ᐱᓇᓱᖃᑎᖃᑦᓯᐊᖁᔭᐅᕗᖅ ᑖᑦᓱᒥᖓ ᑲᒥᓯᓇᒥᒃ.
ᓇᓪᓕᐊᓕᒫᖅ ᐳᓖᓯᒧᑦ ᑲᒪᒋᔭᐅᑦᓱᓂ ᑯᐯᒃᑯᑦ ᓯᓚᕐᖁᕇᒃᑯᑎᖁᑎᖏᓐᓂᒃ ᐱᑦᓯᐊᑕᐅᔪᕕᓂᐅᔪᕆᖕᖏᑯᓂ ᑭᒡᒐᑐᕐᑕᐅᒐᓱᐊᕐᓱᓂ ᑖᑦᓱᒧᖓ ᐳᓖᓯᒧᑦ, ᐳᓖᓰᑦ ᐅᓐᓂᓗᒐᐅᑎᓕᐅᕈᓐᓇᖁᑦ ᐳᓖᓭᑦ ᓯᓚᕐᖁᕇᒃᑯᑎᖏᑦᑕ ᑲᒥᓯᓇᖓᓄᑦ ᐅᓐᓂᓗᒐᐅᑎᒃ ᓯᑯᑦᓴᔭᒧᑦ ᐊᓪᓚᓯᒪᒋᐊᓕᒃ ᑐᓂᔭᐅᓯᒪᓗᓂ ᐊᕐᕌᒍᓕᒫᖅ ᓈᓚᐅᕐᑎᓇᒍ ᐅᓪᓗᖓᓄᑦ ᐊᑑᑎᓚᐅᕐᑐᕕᓂᐅᑎᓪᓗᒍ ᐅᕝᕙᓘᓐᓃᑦ ᖃᐅᔨᔭᐅᓚᐅᕐᑐᕕᓂᐅᑎᓪᓗᒍ ᐊᑑᑎᔪᕐᑎᒍᑦ ᐅᓐᓂᓗᒐᐅᑎᑦᓴᓕᐅᕈᑕᐅᒋᐊᖃᓕᕐᑐᕕᓂᐅᔪᕆᔭᐅᔪᖅ.
ᖃᓄᖅ ᐅᓐᓂᓗᒐᐅᑎᓕᐅᓲᒍᒻᒪᖔᑕ
ᐅᓐᓂᓗᒐᐅᑎᓕᐅᕈᓐᓇᐳᑎᑦ, ᐊᑐᕐᓗᑎᒃ ᐅᑯᓂᖓ ᓇᓪᓕᐊᓂᑐᐃᓐᓇᖅ:
ᖃᕆᑕᐅᔭᕐᑎᒍ ᐊᓪᓚᓗᑎᑦ
ᓇᕐᓂᓗᒍ ᐅᓇ ᐱᓗᒍ ᖃᕆᑕᐅᔭᕐᑎᖑᑦ ᐅᓐᓂᓗᒐᐅᑎᓕᐅᕈᑎᐅᑉ ᐊᓪᓚᕕᑦᓴᖓ.
ᓯᑯᑦᓴᔭᕐᑎᒍᑦ:
ᓇᕐᓂᓗᒍ ᐅᓇ ᓄᐃᓚᕿᒐᓱᐊᕐᓗᒍ ᐅᓐᓂᓗᒐᐅᑎᓕᐊᑦᓴᐅᑉ ᓯᑯᓴᔭᖁᑎᖓ (PDF)ᖑᑎᓪᓗᒍ, ᐃᒣᓕᐅᕈᓐᓇᑐᑎᑦ:
- ᐊᐅᓪᓚᑎᓗᒍ ᐅᓐᓂᓗᒐᐅᑎᓕᐊᑦ ᐅᕗᖓ deontologie-policiere.quebec@msp.gouv.qc.ca
- ᐋᓗᒍ ᓯᑯᑦᓴᔭᐅᓕᕐᑐᖅ ᓄᓇᓕᑦᓯᓂ ᐳᓖᓯᒃᑯᑦ ᐊᓪᓚᕕᖓᓄᑦ. ᐳᓖᓰᑦ ᓯᑯᑦᓴᔭᐅ ᐊᑦᔨᖓᓂᒃ ᐅᓐᓂᓗᒐᐅᑎᓕᐊᑉ ᑐᓂᔨᒋᐊᓖᑦ ᐳᓖᓰᑦ ᐊᖓᔪᕐᖄᖓᓄᑦ ᐊᐅᓪᓚᑎᑦᓯᓗᑎᓗ ᓯᑯᑦᓴᔭᓪᓗᑐᖓᓂᒃ ᑲᒥᓯᓇᒧᑦ.
ᑐᑭᓯᒋᐊᓪᓚᕈᒪᓐᓂᕈᕕᑦ, ᑕᑯᓇᓱᐊᕐᓗᒋᑦ ᐅᑯᐊ Commissaire à la déontologie policière’s website: https://deontologie-policiere.gouv.qc.ca/ ᖃᕆᑕᐅᔭᒥ
ᐱᓇᓱᐊᕐᑕᐅᔪᑦ ᐅᓐᓂᓗᒐᕈᑕᐅᓚᕿᑐᐃᓐᓇᕆᐊᓖᑦ
ᓯᓚᕐᖁᕇᒃᑯᑎᖏᑦ ᑯᐯᒃᑯᑦ ᐳᓖᓯᖏᑦᑕ ᐃᓂᕐᑎᑕᐅᒪᕗᑦ ᐳᓖᓭᑦ ᐃᒣᓕᐅᕆᐊᖃᕋᑎᒃ:
- ᓄᑭᓕᒪᒥᒎᕐᑌᓕᒐᓱᐊᕐᐸᓗᑎᒃ ᐅᓐᓃᓄᓇ ᓄᑭᒥᓂᒃ ᐊᑐᕆᐊᖃᑦᓴᕋᒥᒃ:
- ᓴᐱᕐᓵᕆᐅᑎᒥᓂᒃ ᐅᖃᐅᓯᖃᕆᐊᖃᖕᖏᑐᑦ, ᐅᖃᐅᓯᕐᒥᓂᓘᓐᓃᑦ ᒥᑭᓪᓕᑎᕆᐅᑎᖃᕐᑌᓕᓗᑎᒃ ᐅᕝᕙᓘᓐᓃᑦ ᐸᕝᕕᓵᕆᓂᕐᒥᒃ ᐊᑑᑎᒋᐊᖃᕋᑎᒃ:
- ᖃᐅᔨᒪᑦᓯᐊᓗᑎᒃ ᐸᓯᔭᒃᓴᖑᕐᑎᓯᒐᓱᐊᕐᓗᑎᒃ ᑭᓇᓕᒫᒥᒃ ᓱᕐᖁᐃᓯᒪᑦᓯᐊᓚᕆᖕᖏᑐᐊᕐᐸᑦ:
- ᐊᑐᕐᓂᓗᓪᓗᑎᒃ ᐅᓐᓃᓄᓇ ᐱᔪᓐᓇᐅᑎᖃᑦᓴᓕᕋᒥᒃ ᐅᖃᕐᑎᓯᒡᒐᑕᕋᓱᐊᕐᓂᑯᑦ ᐅᕝᕙᓘᓐᓃᑦ ᓱᓪᓕᑎᐅᓂᕋᕐᑕᐅᓂᕐᒥᓂᒃ ᐊᖏᕐᑎᓯᒡᒐᑕᕋᓱᐊᕐᓂᑯᑦ:
- ᑎᒍᒥᐊᕆᐊᖃᕋᑎᒃ ᐊᐱᕐᓲᔭᕈᒪᓗᒍ ᓇᓪᓕᐊᓂᓕᒫᖅ ᐸᓯᔭᒃᓴᖑᕐᑎᑕᐅᓯᒪᕋᑕᖕᖏᑐᒥᒃ.
ᖃᐅᔨᒋᐊᑦᓯᐊᖁᒪᒍᑦᓯ, ᑐᓴᕋᓱᐊᕐᕕᒋᓗᒋᑦ ᐅᑯᐊ Commissaire à la déontologie policière’s website: https://deontologie-policiere.gouv.qc.ca/