ᑮᓇᐅᑦᔭᓵᑦ ᐱᕙᓪᓕᖁᑎᑦᓭᓗ
ᑲᑎᕕᐅᑉ ᐳᓖᓯᖏᑦᑕ ᐱᓇᓱᑦᑎᖏᑦ ᑮᓇᐅᑦᔭᓴᑦᓯᐊᑐᑦ ᐊᒻᒪᓗ ᐱᕙᓪᓕᖁᑎᑦᓴᑖᕐᑕᓯᐊᕐᓱᑎᒃ ᐃᓚᒋᔭᐅᑎᓗᒋᑦ ᐱᓇᓱᒐᖏᓐᓄᑦ (ᓄᑕᐅᓪᓕᑎᕐᑌᑦ ᔭᓄᐊᔨ 1, 2022-ᒥ).
ᑮᓇᐅᑦᔭᓵᑦ
- $54,122 ᐱᒋᐊᖕᖓᑐᑦ ᐊᑭᓕᕐᑐᑕᐅᒍᑎᒋᓲᖏᑦ;
- ᐃᒣᓪᓗᐊᑐᖕᖑᓲᑦ $96,083 48-ᓂ ᑕᕐᕿᓂ ᐱᓇᓱᐊᕐᓯᒪᓕᕐᒪᑕ;
- $8,500-ᓂᑦ $20,861-ᓄᑦ ᐊᑭᓕᐅᑕᐅᓲᑦ ᓂᐅᕕᐊᑦᓭᑦ ᐊᑭᑐᓂᖏᓐᓄᑦ ᐃᑲᔪᕐᓯᐅᑏᑦ, ᐃᑉᐱᒋᔭᐅᑎᓗᒋᑦ ᓄᓇᓕᓐᓂ ᓇᓪᓕᐊᓃᓐᓂᖏᑦ ᐊᒻᒪᓗ ᐆᒪᒋᐊᓕᖏᑦᑕ ᐅᓄᕐᓂᖏᑦ;
- ᓂᕿᓯᐅᑎᑦᓭᑦ;
- ᐳᓖᓰᑦ ᓄᓇᕕᒻᒥ ᐱᓇᓱᐊᕐᑐᑦ ᐱᕙᓪᓕᖁᑎᑖᕈᓐᓇᓲᒍᒻᒥᔪᑦ ᑖᒃᓰᕆᐊᓕᖏᑦ ᐲᕐᑕᐅᖃᑦᑕᓱᑎᒃ.
ᐱᕙᓪᓕᖁᑎᑦᓭᑦ
- ᐊᕐᕌᒍᑕᒫᑦ ᑲᑎᕐᓱᐃᕕᖃᕈᓐᓇᑐᑦ 500-ᓂᒃ ᐃᑲᐅᕐᓂᓂᒃ (12 ᐱᓇᓱᐊᕈᓰᑦ ᓴᓂᐊᓃᑦᑐᑦ) ᐊᑐᕈᓐᓇᓂᐊᕐᑕᒥᓂᒃ ᐊᑭᓕᕐᑐᑕᐅᓗᑎᒃ ᕿᑲᕐᓗᑎᒃ:
- 160 ᐃᑲᐅᕐᓃᑦ ᑕᙯᕐᓯᒍᓐᓇᕖᑦ
- 120 ᐃᑲᐅᕐᓃᑦ ᐊᑭᓕᕐᑐᑕᐅᓗᑎᒃ ᕿᑲᑫᓐᓇᕈᑏᑦ ᐱᖁᔦᑦ ᒪᓕᓪᓗᒋᑦ ᐅᓪᓗᓂ ᕿᑲᕐᓇᓂ
- 96 ᐃᑲᐅᕐᓃᑦ ᖃᓂᒪᓗᑎᒃ ᐱᓇᓱᐊᖕᖏᑫᓐᓇᕖᑦ
- ᐅᓄᕐᓂᐸᐅᑎᓪᓗᒋᑦ 124 ᐃᑲᐅᕐᓃᑦ ᑲᑎᕐᓱᐊᒍᒍᓐᓇᑐᑦ ᐱᓇᓱᐊᕐᕕᒥᑕ ᐅᖓᑖᓄᑦᐱᓇᓱᐊᕐᕕᒋᒍᓐᓇᑕᖏᓐᓂ
- 3-ᕕᓪᓗᑎᒃ ᐊᐅᓪᓚᑫᓐᓇᕈᓐᓇᑐᑦ ᐊᑭᓕᕐᑕᐅᓗᑎᒃ ᐃᑭᒍᑎᖏᑦ (ᐊᐅᓪᓚᓗᑎᒃ ᑎᑭᓪᓗᑎᓗ);
- RRSP ᑲᑎᕐᓱᐊᖃᐅᑎᒃ ᐃᓄᑐᖃᐅᓂᕐᒧᑦ: 6% ᐱᓇᓱᑦᑎᖁᑎᓕᐅᑉ ᑐᓂᔭᖏᑦ, 4% ᐱᓇᓱᑦᑎᐅᑉ ᐃᓕᔭᖏᑦ;
- ᐱᓇᓱᐊᖃᑎᒌᑦ ᐃᒻᒪᖃᐅᑎᖏᑦ;
- ᐃᓪᓗᖃᕐᑎᑕᐅᓲᑦ ᐱᖁᑎᑕᖏᑦ ᐊᑕᔪᓂᒃ;
- ᑮᓇᐅᔭᑎᒍᑦ ᐃᑲᔪᕐᓯᐅᑎᓂᒃ ᐱᒐᓱᐊᕈᓐᓇᑐᑦ ᓄᑖᑦ ᐃᓕᓴᕐᓂᒥᓂᒃ ᐱᔭᕇᕐᑐᑦ ENPQ-ᒥ ᐳᓖᓰᑦ ᐃᓕᓴᕐᕕᖓᓂ: ᑕᑯᔭᐅᑎᑦᓯᓗᑎᒃ ᓈᒻᒪᑐᓂᒃ ᐊᑭᓖᒍᑎᖏᑦᑕ ᓇᓗᓀᒃᑯᑕᖏᓐᓂᒃ, ᐳᓖᓯ ᐱᓇᓱᐊᕆᐅᓯᔪᖅ ᑲᑎᕕᐅᑉ ᐳᓖᓯᖏᓐᓂ ᐅᕝᕙᓘᓐᓃᑦ ᑎᒥᖁᑎᖓᓂ ᑲᑎᕕᐅᑉ ᐳᓖᓯᖏᓐᓄᑦ ᐊᑭᓖᒍᑎᕕᓂᕐᒥᓄᑦ ᐅᑎᕐᕕᐅᑎᑕᐅᒐᔭᕐᑐᖅ ᐃᓕᓴᕐᓱᓂ ᐊᑭᓕᕐᑐᑕᕕᓂᕐᒥᓂᒃ ENPQ-ᒧᑦ ᐃᒣᓯᒪᓕᕈᓂ:
- ᑲᑎᕕᐅᑉ ᐳᓖᓯᖏᓐᓂ ᐱᓇᓱᑦᑎᐅᓯᒪᓕᕐᓗᓂ ᐊᕐᕌᒍᓂ ᐱᖓᓱᓂ;
- ᐱᓇᓱᒐᕐᒧᑦ ᐊᑌᓐᓇᓚᖓᓕᕐᓗᓂ ᐃᓕᓯᒍᓂ.