ᐱᖁᔭᖅ ᓯᐅᒥᑕᐅᒻᒪᑦ
ᐱᖁᔭᖅ ᓯᐅᒥᑕᐅᒻᒪᑦ, ᑲᑎᕕᐅᑉ ᐳᓖᓯᖏᑦ ᐃᓄᓐᓂᒃ ᐅᖑᒪᑦᓯᒋᐊᖃᓲᑦ ᐊᒻᒪᓗ ᓱᕐᖁᐃᓯᓗᑎᒃ ᑭᓇ ᐱᖁᔭᕐᓂᒃ ᓯᖁᒥᑦᓯᒪᖔᑦ ᑎᒍᔭᐅᒋᐊᖃᓚᖓᒻᒪᑦ ᐃᕐᖃᑐᐃᕕᒃᑰᕆᐊᖃᓚᖓᑦᓱᓂᓗ.
ᖃᓄᖅ ᐳᓖᓰᑦ ᖃᐅᔨᓴᓲᑦ ᐱᖁᔦᑦ ᓯᖁᒥᑕᐅᒻᒪᑕ?
ᐱᖁᔭᖅ ᓯᐅᒥᑕᐅᒻᒪᑦ
ᐱᖁᔭᖅ ᓯᐅᒥᑕᐅᒻᒪᑦ, ᑲᑎᕕᐅᑉ ᐳᓖᓯᖏᑦ ᐃᓄᓐᓂᒃ ᐅᖑᒪᑦᓯᒋᐊᖃᓲᑦ ᐊᒻᒪᓗ ᓱᕐᖁᐃᓯᓗᑎᒃ ᑭᓇ ᐱᖁᔭᕐᓂᒃ ᓯᖁᒥᑦᓯᒪᖔᑦ ᑎᒍᔭᐅᒋᐊᖃᓚᖓᒻᒪᑦ ᐃᕐᖃᑐᐃᕕᒃᑰᕆᐊᖃᓚᖓᑦᓱᓂᓗ.
ᖃᓄᖅ ᐳᓖᓰᑦ ᖃᐅᔨᓴᓲᑦ ᐱᖁᔦᑦ ᓯᖁᒥᑕᐅᒻᒪᑕ?
ᐱᖁᔦᑦ ᓯᖁᒥᑕᐅᑎᓪᓗᒋᑦ
ᑲᑎᕕᐅᑉ ᐳᓖᓯᖏᑦ ᑐᓴᕐᑎᑕᐅᑦᓱᑎᓪᓗ ᐱᖁᔭᕐᓂᒃ ᓯᖁᒥᑕᐅᔪᓂᒃ, ᐱᓂᕐᓗᕕᐅᔪᒧᑦ ᑕᒉᓐᓇᖅ ᐁᕕᖃᑲᐱᒐᓱᐊᓲᑦ.
ᐳᓖᓰᑦ ᐱᖁᔭᕐᓂᒃ ᓯᖁᒥᑦᓯᓂᕋᕐᑕᐅᔪᒥᒃ ᑲᒪᑲᐱᒐᓱᐊᕆᐊᖃᓲᑦ. ᖃᐅᔨᓴᕐᖄᓲᑦ ᑎᒍᓯᔪᑦᓴᐅᒪᖔᕐᒥᒃ ᐊᒻᒪᓗ/ᐅᕝᕙᓘᓐᓃᑦ ᑎᒍᔭᐅᒪᒋᐊᖃᓚᖓᒻᒪᖔᑦ ᐊᒻᒪᓗ ᐸᓯᔭᐅᓂᖓᓄᑦ ᐳᓖᓯᓐᓂᐊᕕᒻᒨᓯᔪᑦᓴᐅᒪᖔᕐᒥᒃ ᓱᕐᖁᐃᓯᕐᖄᓱᑎᒃ.
ᐱᖁᔦᑦ ᓯᖁᒥᑕᐅᓯᒪᔪᑦ ᓱᕐᖁᐃᑕᐅᓯᒪᓂᖃᕋᑎᒃ ᐅᕝᕙᓘᓐᓃᑦ ᐊᑑᑎᔪᑦ ᖃᐅᔨᓴᕐᑕᐅᒋᐊᓖᑦ
ᐱᖁᔭᕐᓂᒃ ᓯᖁᒥᑦᓯᔪᖅ ᑕᑯᓐᓇᑕᐅᔪᕕᓂᐅᖕᖏᐸᑦ ᐅᕝᕙᓘᓐᓃᑦ ᐱᒻᒪᕆᒻᒥᒃ ᐊᑑᑎᔪᖃᕐᒪᑦ ᖃᐅᔨᓴᕐᑕᐅᒋᐊᓕᒻᒥᒃ, ᑲᑎᕕᐅᑉ ᐳᓖᓯᖏᑦ ᐅᖑᒪᑦᓯᓯᓲᑦ ᐱᓂᕐᓗᕕᐅᔪᒥᒃ, ᖃᐅᔨᓴᕐᑎᒧᑦ ᑲᒪᒋᔭᐅᑎᓯᑦᓱᒍ ᐊᒻᒪᓗ ᓯᕙᓂᕐᓱᑎᒃ ᑯᐯᑉ ᐳᓖᓯᖏᑦᑕ (Sureté du Québec) ᐱᒻᒪᕆᓐᓂᒃ ᐱᖁᔭᕐᓂᒃ ᓯᖁᒥᑦᓯᔪᓕᕆᕕᖓᓂᒃ ᐃᑲᔪᕐᓯᔭᐅᒍᒪᑦᓱᑎᒃ.
ᖃᐅᔨᓴᕐᑏᑦ ᐸᕐᓀᒍᑎᓕᐅᓯᓲᑦ ᐊᒻᒪᓗ ᓇᓗᓀᕐᑐᐃᓱᑎᒃ ᓱᓇᓂᒃ ᖃᐅᔨᓴᕐᓂᐊᒪᖔᕐᒥᒃ. ᖃᐅᔨᓴᕐᑏᑦ ᐳᑯᓲᑦ ᓱᕐᖁᐃᓯᒍᑎᑦᓴᓂᒃ ᐆᑦᑑᑎᒋᑦᓱᒋᑦ ᐊᑦᑐᐃᔪᕕᓂᐅᑉ ᐃᓄᒐᖏᑦᑕ ᐃᓂᖏᓐᓂᒃ, ᐊᐅᒻᒥᒃ, ᖁᕐᓕᐊᒥᒃ ᑕᑯᑦᓴᓂᒃ ᐱᓂᕐᓗᕕᐅᔪᕕᓂᕐᒥ ᑐᔫᑎᒋᑦᓱᒋᓪᓗ ᓱᕐᖁᐃᓯᒍᑎᑦᓴᓄᑦ ᐱᓪᓗᑯᒋᐊᓕᕝᕕᒧᑦ ᕿᒥᕐᕈᔭᐅᓚᖓᑎᓪᓗᒋᑦ. ᐅᖄᕕᖃᓲᒍᒻᒥᔪᑦ ᑕᑯᓐᓇᑐᕕᓂᕐᓂᒃ ᓱᔪᖃᓪᓚᕆᓐᓂᒪᖔᑦ ᖃᐅᔨᒋᐊᖃᕐᓂᒥᓄᑦ ᐃᑲᔪᕐᑎᒋᑦᓱᒋᑦ.
ᑌᒪᖕᖓᑦ, ᐳᓖᓰᑦ ᒪᓕᒋᐊᖃᓲᑦ ᑳᓇᑕᒥ ᐱᖁᔭᕐᔪᐊᓂᒃ ᐊᒻᒪᓗ ᐃᓱᒪᒥᒍᓐᓇᐅᑎᓂᒃ ᐊᒻᒪᓗ ᑳᓇᑕᒥ ᐱᖁᔭᕐᓂᒃ ᓯᖁᒥᑦᓯᔪᓄᑦ ᒪᓕᒐᕐᓂᒃ ᒪᓕᑦᑕᐅᓗᑎᒃ ᑭᓯᐊᓂᐅᔪᓂᒃ ᐱᑦᔪᑎᓕᓐᓂᒃ ᑎᒍᔭᐅᒋᐊᖃᕐᓂᖓᓄᑦ ᐃᓕᒪᒋᔭᐅᑉ ᐊᒻᒪᓗ ᒪᓕᑦᑕᐅᒋᐊᓕᓐᓂᒃ ᕿᓂᕐᕕᖃᕐᓂᓄᑦ ᐊᒻᒪᓗ ᑎᒍᔨᓐᓂᓂᕐᓄᑦ. ᑕᒪᒃᑯᐊ ᐃᓘᓐᓇᑎᒃ ᑐᑭᓖᑦ, ᐳᓖᓰᑦ ᕿᓂᕐᕕᖃᕈᒪᒍᑎᒃ ᓇᐅᑐᐃᓐᓇᓂᒃ ᓇᒻᒥᓂᕆᔭᐅᔪᓂᒃ ᐱᖁᑎᒋᔭᐅᔪᓂᒃ, ᐁᑦᑐᑕᐅᕐᖄᕆᐊᖃᓲᑦ ᐃᕐᖃᑐᐃᕕᒻᒧᑦ ᑕᑯᑦᓴᐅᑎᑦᓯᐅᑎᒥᒃ ᐱᑦᔪᑎᖃᑦᓯᐊᓱᑎᒃ ᐅᑉᐱᕆᔭᖃᕐᓂᒥᒍᑦ ᑕᑯᓚᖓᒋᐊᒥᒃ ᓱᕐᖁᐃᓯᒍᑎᒥᒃ ᐱᖁᔭᐅᑉ ᓯᖁᒥᑕᐅᓂᖓᓄᑦ ᑲᒪᒋᔭᐅᒋᐊᓕᒻᒥᒃ ᐃᑲᔪᕐᓯᒍᑕᐅᓚᖓᔪᒥᒃ.