ᓄᓇᕕᒃ: ᑎᒍᔭᐅᓐᓂᖁᑦ ᐋᖓᔮᓐᓇᑐᐃᑦ ᐃᒥᐊᓗᐃᓪᓗ ᐊᑭᖃᕋᔭᕐᑐᑦ $55,000 ᐅᖓᑖᓂ
ᔫᓂ 11, 2020 - ᐱᓇᓱᐊᕈᓯᐅᓚᐅᕐᑐᓂᒃ ᒪᕐᕉᓕᕐᑑᓂᒃ, ᑲᑎᕕᒃ ᐳᓖᓯᖏᑦ ᐊᒥᓱᒐᓚᓐᓂᑦ ᕿᓂᕈᓐᓇᐅᑎᑖᕐᓂᖁᑦ ᑎᒍᓯᒍᓐᓇᓯᑦᓱᑎᑦ ᐱᖁᔭᓂᒃ ᓱᒃᑯᐃᔪᓂᑦ ᐋᖓᔮᓐᓇᑐᓂᒃ ᐃᒥᐊᓗᓐᓂᓗ ᐊᑭᖃᕋᔭᕐᑐᓂᑦ $55,000ᓂᑦ.
ᐅᑯᐊ ᑎᒍᔭᐅᓐᓂᖁᑦ: 84 ᐳᓪᓚᐅᔦᑦ ᐃᒥᐊᓗᐃᑦ ᓲᖑᔪᔦᑦ (375 ml) 44 ᐳᓪᓚᐅᔦᑦ ᐃᒥᐊᓗᐃᑦ ᓲᖑᔪᔦᑦ (750 ml) 1 ᐳᓪᓚᐅᔭᖅ ᐃᒥᐊᓗᒃ ᓲᖑᔪᔭᖅ (1.75L) 48 ᖁᒻᒧᔪᐃᑦ ᐱᐊ (355 ml) 448 ᑯᕋᒻᓂᑦ ᐅᖁᒣᓐᓂᓖᑦ ᑳᓇᐱᔅᖑᔪᕆᔭᐅᔪᑦ 3 ᑯᕋᒻᓂᒃ ᐅᖁᒣᓐᓂᓕᒃ ᐋᖓᔮᓐᓇᑐᖅ ᖄᔅ 3 alprazolam ᐃᕐᖃᒉᑦ (ᖃᐅᔨᒪᔭᐅᒻᒥᔪᑦ ᐊᑎᖃᕐᓱᑎᑦ Xanax) 336 methamphetamine ᐄᕐᖃᒉᑦ ᑲᑎᑦᓱᑎᑦ, ᐳᓖᓰᑦ 11ᕕᑦᓱᑎᑦ ᕿᓂᕈᓐᓇᐅᑎᓂᒃ ᐊᑐᕐᓱᑎᑦ ᕿᓂᕐᓂᖁᑦ ᐅᑯᓇᓂ ᐊᑯᓕᕕᒃ, ᑲᖏᕐᓱᐊᓗᑦᔪᐊᖅ, ᑲᖏᕐᓱᔪᐊᖅ, ᑰᑦᔪᐊᖅ, ᓴᓪᓗᐃᑦ ᐳᕕᕐᓂᑐᒥᓗ. "ᑲᔪᓯᑦᓯᐊᓂᕕᓂᖏᑦ ᖃᐅᔨᓴᕐᓃᑦ ᐊᑑᑎᓐᓂᖁᑦ ᑕᑯᓐᓇᓱᒋᑦ ᐅᓄᕐᓂᖏᑦ ᓇᑭᓗ ᖃᐅᔨᓂᕕᓂᖏᓐᓂᑦ ᑭᓇᑐᐃᓐᓇᑯᓄᑦ ᖃᐅᔨᑎᑕᐅᓂᕕᓂᖏᑦ," ᐅᖃᕐᓂᖁᖅ ᐳᓖᓰᑦ ᐊᖓᔪᕐᖓ ᔭᖕ-ᕗᕋᓐᓱᐊ ᒧᕃᖕ. "ᒫᓐᓇᖃᒻᒥᑯᑦ, ᖃᐅᔨᑎᑕᐅᖃᑦᑕᖁᒍᑦ ᓂᐅᕐᕈᓯᕐᑕᐅᓂᖏᓐᓂᑦ ᐋᖓᔮᓐᓇᑐᐃᑦ ᐃᒥᐊᓗᐃᓪᓗ ᐱᖁᔭᓂᑦ ᓱᒃᑯᐃᔪᑦ ᓂᐅᕐᕈᑕᐅᓂᖏᓐᓂᑦ. ᑕᒪᓐᓇ ᖃᐅᔨᒍᑎᒋᖃᑦᑕᖃᕗᑦ ᖃᐅᔨᒪᔭᐅᒋᐊᓕᓐᓂᑦ, ᑐᑦᓯᕋᕈᑎᓕᐅᕐᓗᑕ ᕿᓂᕈᓐᓇᐅᑎᒥᒃ, ᑎᒍᓯᒍᓐᓇᓯᓗᑕᓗ. ᐃᓄᓐᓂᒃ ᐅᖃᕈᑎᖃᕆᐊᓪᓛᖃᑦᑕᖁᔨᕗᒍᑦ ᑕᒪᒃᑯᓂᖓ ᓂᐅᕐᕈᓭᓂᕐᓄᓕᖓᔪᓂᑦ, ᐊᔪᐃᓐᓇᖏᓐᓇᓂᐊᕐᓱᑕᓗ ᓄᖑᑎᕆᒐᓱᓪᓗᑕ ᓂᐅᕕᐊᑦᓴᓕᓐᓂᑦ ᓂᐅᕕᐊᑦᓴᐅᒋᐊᖃᖕᖏᑐᓂᑦ." ᐃᓄᐃᑦ ᕿᓂᕈᑎᒥᒃ ᑐᑦᓯᕋᕈᑕᕕᓃᑦ ᐸᓯᔭᑦᓴᖑᑐᐃᓐᓇᕆᐊᖃᕐᖁᑦ. ᖃᐅᔨᓴᕐᓃᑦ ᑲᔪᓯᕗᑦ. ᖃᐅᔨᒍᑎᓂᒃ ᒪᓗᓐᓇᑐᓂᒃ ᐊᑑᑎᔪᖃᕐᐸᑦ, ᐃᓚᐅᑎᓪᓗᒋᑦ ᐱᖁᔭᓂᒃ ᓱᒃᑯᐃᓱᑎᑦ ᓂᐅᕐᕈᓭᓃᑦ ᐋᖓᔮᓐᓇᑐᓂᒃ ᐃᒥᐊᓗᓐᓂᓗ, ᐅᖃᕈᑕᐅᒍᓐᓇᖁᑦ ᑭᓇᐅᓂᖓ ᖃᐅᔨᒪᔭᐅᒐᓂ ᐅᖃᕐᑑᑉ ᐱᖁᔭᓂᑦ ᓱᒃᑯᐃᔪᓂᑦ ᓄᕐᖃᑎᑦᓯᔨᒃᑯᓄᑦ ᐅᖄᓚᓗᑎᑦ ᐊᑭᖃᖕᖏᑐᒧᑦ ᐅᕗᖓ 1-800-711-1800. ᖃᐅᔨᑎᑦᓯᔪᑦ ᐅᖃᕐᑐᑦᑦ ᑮᓇᐅᔭᖃᕐᑖᑎᑕᐅᒍᓐᓇᖁᑦ ᐅᓄᕐᓂᐹᒋᓗᒋᑦ $2,000.