ᑯᐯᒃᑯᑦ ᐳᓖᓯᖏᑦ ᖃᐅᔨᓴᕐᖁᖅ ᐃᓅᒍᓐᓀᑐᕕᓂᕐᒥᒃ ᐃᓅᓱᑦᑐᒥᒃ ᑲᖏᕐᓱᒥ
June 10, 2020
ᐅᓐᓄᐊᖑᓚᐅᕐᑐᒥ, 11ᖑᒐᓛᒥ ᐅᓐᓄᐊᑯᑦ, ᑲᑎᕕᒃ ᐳᓖᓯᖏᑦ ᑲᒪᒋᐊᕐᑐᓂᕐᖁᑦ ᐃᓅᒍᓐᓀᑐᕕᓂᕐᒥᒃ ᐃᓂᕐᕋᐅᑎᒧᑦ ᐊᕐᖁᓇᕐᑐᒥᒃ ᑲᖏᕐᓱᒥ.
ᑎᑭᑦᓱᑎᑦ ᓇᔪᕐᑕᖓᓄᑦ, ᐅᐃᒪᓇᕐᑐᓕᕆᔩᑦ ᐆᒻᒪᑎᑦᓯᒐᓱᓐᓂᖁᑦ ᐃᓅᓱᑦᑐᒥᒃ. ᐳᓖᓰᑦ ᐃᑲᔪᕐᓯᓂᕐᖁᑦ ᐅᐃᒪᓇᕐᑐᓕᕆᔨᓂᑦ ᐋᓐᓂᐊᓯᐅᕆᓂᒃᑯᑦ ᐊᕐᖁᓇᕐᕕᕕᓂᖓᓂ ᓄᓇᓕᐅᓗ ᐋᓐᓂᐊᕕᖓᓂ. ᐃᓅᓱᑦᑐᒃ ᐃᓅᒍᓐᓀᓂᕋᕐᑕᐅᓂᕐᖁᖅ ᓄᓇᓕᐅᑉ ᐋᓐᓂᐊᕕᖓᓂᓕᕐᓱᓂ ᐃᑎᕐᑕᐅᖃᒻᒥᐅᓱᓂ. ᖃᐅᔨᓴᕐᑕᐅᒋᐊᖕᖓᑎᓪᓗᒍ ᖃᐅᔨᒍᑎᕕᓂᖏᑦ ᐃᓂᕐᕋᐅᑎᒃ ᐊᐳᕐᓂᔪᕕᓂᐅᒋᐊᖓᓂᒃ ᐃᓅᒍᓐᓃᑐᕕᓂᕐᒥᒃ ᑐᑫᓛᕈᑎᒥᒃ ᐊᑐᕐᑐᒥᒃ. ᑲᑎᕕᒃ ᐳᓖᓯᖏᑦ ᐃᓚᑦᔪᒍᓱᒃᑯᑦ ᐃᓚᖏᓐᓂᑦ ᐱᖃᑎᖏᓐᓂᓗ ᐃᓅᒍᓐᓀᑐᕕᓂᐅᑉ. ᖃᐅᔨᓴᕐᑕᐅᖔᓂᐊᓕᕐᖁᖅ ᑯᐯᒃ ᐳᓖᓯᖏᓐᓄᑦ ᑕᒪᓐᓇ..