ᐊᑯᓕᕕᒻᒥ ᑎᒍᔭᐅᔪᓕᒃ ᐊᑦᑕᓇᕐᑐᒦᒃᑫᓚᕆᑦᑐᒥᒃ
ᓂᕿᑦᓯᑐᓂ, ᐳᓖᓰᑦ ᓯᕙᓂᕐᑕᐅᓚᐅᔫᑦ ᐅᐃᒪᓇᕐᑐᒦᑦᑐᒧᑦ ᑐᓴᕐᑎᓯᔪᒧᑦ ᐊᓇᕐᕋᕆᔭᐅᔫᑉ ᓯᓚᑖᓂ ᓴᕕᒃᑲᑐᖃᕐᑎᓗᒍ.
ᐊᑯᓕᕕᒃ, ᔪᓓ 8, 2020 — ᓂᕿᑦᓯᑐᓂ, ᐳᓖᓰᑦ ᓯᕙᓂᕐᑕᐅᓚᐅᔫᑦ ᐅᐃᒪᓇᕐᑐᒦᑦᑐᒧᑦ ᑐᓴᕐᑎᓯᔪᒧᑦ ᐊᓇᕐᕋᕆᔭᐅᔫᑉ ᓯᓚᑖᓂ ᓴᕕᒃᑲᑐᖃᕐᑎᓗᒍ ᐹᔪᖃᓕᕐᒪᑦ. ᐳᓖᓰᑦ ᑲᑎᓯᓚᐅᔫᑦ ᐹᖃᑕᐅᒋᐊᒥᒃ ᐸᓯᔭᐅᔪᒥᒃ ᑖᑦᓱᒧᖓᓗ ᑐᓴᕐᑎᑕᐅᑦᓱᑎᒃ ᑲᑉᐱᐊᓵᕐᑕᐅᓂᕋᕐᑐᒧᑦ ᐊᖑᑎᒧᑦ ᓴᕕᒃᑲᑐᒧᑦ. ᐹᖃᑕᐅᒋᐊᖓ ᐸᓯᔭᐅᔪᖅ ᐅᖃᐅᑏᓚᐅᔫᖅ ᐊᑎᖓᓂᒃ ᐊᒻᒪᓗ ᖃᓄᐃᑦᑑᓂᖓᓂᒃ ᐃᕐᓯᓇᕐᓵᓂᕋᕐᑕᐅᔫᑉ. ᐳᓖᓰᒃ ᓄᓇᓕᓐᓂ ᕿᓂᓯᓚᐅᔫᒃ ᑕᑯᑦᓱᑎᓪᓗ ᐊᖑᑎᒥᒃ ᓇᓗᓀᕐᑕᐅᑫᓐᓇᑐᒥᒃ ᖃᓄᐃᑦᑑᓂᖓᑕ ᐹᖃᑕᐅᒋᐊᒥᒃ ᐸᓯᔭᐅᔪᒧᑦ, ᑎᒍᒥᐊᕐᑐᒥᒃ ᕿᔪᒻᒥᒃ ᑕᑭᓂᓕᒻᒥᒃ 1 ᒦᑕᐅᑉ ᓴᓂᐊᓃᑦᑐᒥᒃ. ᒪᕐᕉᓄᑦ ᐳᓖᓰᓐᓄᑦ ᑎᒍᔭᐅᓚᐅᔫᖅ ᐊᑦᑕᓇᕆᐊᖓ ᐃᑉᐱᒋᑦᓱᒍ. "ᐳᓖᓰᑦ ᑌᒪᖕᖓᑦ ᖃᐅᔨᒐᓱᐊᑦᓯᐊᖏᓐᓇᑐᑦ ᑲᒪᒋᒋᐊᓕᖓ ᖃᓄᐃᓘᓪᓚᕆᒻᒪᖔᑦ," ᓚᓚᐅᕐᑐᖅ ᒫᓯᐅᑉ ᓵᕕᑦᔅ ᐳᓖᓰᑦ ᑐᑭᒧᐊᑦᑎᓯᔨᖓ. "ᑕᕝᕙᓂᑕᒐ, ᑐᓴᕐᑎᑕᐅᓯᒪᒐᒥᒃ ᐃᓕᒪᒋᔭᐅᑉ ᓴᕕᒃᑲᓂᖓᓂᒃ, ᐃᓱᒪᒋᐊᖃᓯᓚᐅᕐᑑᒃ ᑎᒥᒥᒍᑦ ᓱᒃᑯᑕᐅᒍᓐᓇᕆᐊᒥᒃ ᐅᕝᕙᓘᓐᓃᑦ ᑐᖁᑕᐅᓗᑎᒃ. ᑐᕌᕐᑎᑎᓚᐅᔫᒐᓗᐊᒃ ᐸᓯᔭᒥᒃ, ᐅᖄᕕᒋᑦᓱᒍ ᐸᓯᔭᒥᒃ ᓴᐱᕐᕆᐊᑎᑦᓯᓚᐅᕐᑑᒃ ᖃᓄᐃᓘᕈᓐᓀᑎᑦᓱᒍ. ᑎᒍᓯᒐᓱᐊᕐᓂᖏᓐᓂ ᑭᓇᓘᓐᓃᑦ ᖃᓄᐃᓕᖕᖓᓚᕿᓚᐅᖕᖏᑐᖅ." ᐃᓄᒃ ᑎᒍᔭᐅᒪᕕᒻᒥᑦ ᐊᓂᑎᑕᐅᓚᐅᕐᑐᖅ ᐊᓪᓕᖏᓱᖓᕐᑐᓂ ᐅᓪᓛᑯᑦ.