ᓄᓇᕕᒻᒥ ᐊᓃᕆᐊᖃᖕᖏᕕᐅᑉ ᐃᑲᐅᕐᓂᖏᑦᑕ ᐊᓯᑦᔨᓂᖏᑦ
May 1, 2020
ᒪᙯᒍᒪᔪᑦ ᐃᖃᓗᑦᓯᐅᓗᑎᒃ ᐅᕝᕙᓘᓐᓃᑦ ᐆᒪᔪᕐᓯᐅᓗᑎᒃ ᐃᑲᐅᕐᓃᑦ ᐊᓇᕐᕋᓯᒪᒋᐊᖃᕐᓃᑦ ᓯᓚᑖᓂ ᐅᓪᓗᒥ ᐱᒋᐊᕐᓗᑎᒃ ᑌᒣᒍᓐᓇᓯᔪᑦ.
ᑲᑎᕕᐅᑉ ᐳᓖᓯᖏᑦ ᑲᔪᓯᑎᑦᓯᓚᖓᔪᑦ ᓄᓇᕕᓕᒫᒥ ᐊᓂᕐᕋᓯᒪᒋᐊᖃᕐᓇᒥᒃ ᒪᓕᑦᑕᐅᑎᑦᓯᓂᕐᒥᓂᒃ, 10-ᒥᑦ ᐅᓐᓄᑐᒃᑯᑦ 6-ᒧᑦ ᐅᓪᓛᑯᑦ, ᓄᓇᓕᓐᓃᑐᐃᓐᓇᓚᖓᔪᑦ ᒪᙯᓚᖓᖕᖏᑐᑦ ᐃᑉᐱᒋᓗᒋᑦ. ᐃᑎᕐᓯᒪᒋᐊᖃᕐᓇᖅ ᒪᓕᑦᑕᐅᒋᐊᖃᓯᓚᐅᔪᒻᒪᑦ ᖃᓂᒪᓐᓈᓗᒻᒥᒃ COVID-19-ᒥᒃ ᐃᕐᐸᐸᓪᓕᐊᑎᑦᓯᑌᓕᓂᖅ ᐱᑦᔪᑎᐅᑎᓪᓗᒍ. ᑲᑎᕕᐅᑉ ᐳᓖᓯᖏᑦ ᐊᒻᒪᓗ ᑫᐋᔩᑉ ᓄᓇᓕᓐᓂ ᐊᑦᑕᓀᑦᑐᒦᑦᑎᓯᓂᕐᓄᑦ ᐱᓇᓱᕝᕕᖓ ᐃᕐᙯᑎᑦᓯᕗᑦ ᓄᓇᕕᒻᒥᐅᓂᒃ ᒪᙯᓚᖓᔪᓂᒃ ᐃᒣᖃᑦᑕᕆᐊᖃᕐᓂᖏᓐᓂᒃ: ᐃᓚᒥᓂᒃ ᐃᓚᓐᓈᒥᓂᓘᓐᓃᑦ ᓇᒧᖕᖓᓂᐊᕐᒪᖔᒻᒥᒃ ᐅᑎᕐᕕᓴᒥᓂᓗ ᑐᓴᐅᒪᑎᑦᓯᖃᑦᑕᓗᑎᒃ; ᐅᖄᒍᑎᒡᒋᖃᑦᑕᓗᑎᒃ ᐆᕚᕈᑎᒥᓪᓘᓃᑦ; ᓯᓚ ᖃᓄᐃᓚᖓᒻᒪᖔᑦ ᖃᐅᔨᓴᕋᓱᐊᕐᖄᖃᑦᑕᓗᑎᒃ; ᐊᑦᔭᓯᖃᑦᑕᓗᑎᒃ ᐱᐅᒃᑯᑎᒋᒋᐊᓕᒥᓂᒃ, ᐆᑦᑑᑎᒋᓗᒋᑦ: ᑐᐱᖅ ᐊᒻᒪᓗ ᒪᙯᓯᐅᑏᑦ ᕿᐲᑦ; ᑕᖁᐊᑦ 48-ᓄᑦ ᐃᑲᐅᕐᓂᓄᑦ ᓈᒻᒪᓚᖓᔪᑦ; ᐅᕐᓱᓴᒋᐊᓪᓓᑦ ᐊᒻᒪᓗ ᑳᓴᓖᒋᐊᓪᓓᑦ.